سەتپاەۆتىڭ سٶزٸنشە, ٶركەنيەتتٸڭ كٶش باسىندا تۇرعان 30 ەلدٸڭ قوسىنىنا ٸلٸنگٸسٸ كەلسە, بيلٸك ٶزٸنٸڭ حالىقپەن جۇمىس ٸستەۋ تەسٸلٸن ٶزگەرتۋٸ قاجەت.
«سٶز ەمەس, ەرەكەت كەرەك. بيلٸك ناقتى نە بٸتٸردٸ وسى كٷنگە دەيٸن? حالىققا پايدالى قانداي قارەكەت قىلدى? جۇرتتىڭ جاعدايىن جاقساراتىن, تۇرمىسىن تٷزەيتٸن نەندەي شارا قابىلدادى? حالىققا كەرەگٸ وسى», – دەيدٸ ول.
ايتۋىنشا, دەل وسى وتىزدىقتا جٷرگەن ەلدەردٸڭ باسىم كٶپشٸلٸگٸندە بٸر سٶزدٸڭ توڭىن تەرٸس اۋدارىپ جىل سايىن قايتالاي بەرەتٸن «دەستٷر» جوق.
– دەل سولاي. دامىعان ەلدەردٸڭ بيلٸگٸ جۇرتقا ورىنداعان ۋەدەسٸ, اتقارعان ٸسٸمەن جاعادى. حالىق قۇر سٶزگە الدانبايدى, سەبەبٸ. قۇر سٶزدٸ مٸسە تۇتپايدى ولار.
بۇلاردا «ايتىلعان سٶز, اتىلعان وق». ٶزٸ سايلاعان شەنەۋنٸكتٸڭ سايلاۋالدى ۋەدەلەرٸن ورىنداپ, جارعاق قۇلاعى جاستىققا تيمەي جۇمىس ٸستەۋٸن تالاپ ەتەدٸ. بيلٸكتەن بولبىر سٶز ەمەس, بولاتىن ٸس كٷتەدٸ.
سۇرالاتىن كەز كەلگەندە: «ٶتكەندەگٸ سەرتٸڭ قايدا? سايلاۋ الدىندا بەرگەن ۋەدەڭدٸ نەگە سوزدىڭ? سٶزدەرٸڭ نەگە سۇيىلىپ كەتتٸ?» دەپ جاعاسىنان الادى, – دەيدٸ دوسىم سەتپاەۆ.
ونىڭ پٸكٸرٸنشە, جىل سايىن بٸر مەسەلەنٸڭ ٶڭٸن ٶزگەرتٸپ, مىڭ قۇبىلتۋدىڭ قاجەتٸ شامالى.
– قايتالاي بەرگەننەن مٷيٸز شىقسا, كەنٸ? مەملەكەتتٸك ماڭىزى بار مەسەلەلەردٸ 3-4 جىلدا بٸر رەت قورىتىپ, قايىرا ورالىپ وتىرعانىمىز جٶن ەمەس پە? سونىڭ ٶزٸ جەتكٸلٸكتٸ ەمەس پە? ودان دا ولاردىڭ ورىندالۋ بارىسىن باقىلايىق. حالىقتىڭ اقشاسى مەن ۋاقىتىن قۇر بوسقا شاشقان مەملەكەتتٸڭ ورگانداردىڭ مەسەلەسٸن ماي شاممەن قارايىق, – دەيدٸ ساياساتتانۋشى.
ال مەملەكەت باسشىسىنىڭ بۇل جولعى جولداۋىن سەتپاەۆ ەدەتتەگٸ جولداۋدان بٶلەك دەيدٸ.
– ماعان سالسا مۇنى جولداۋ دەپ تە ايتپاس ەدٸم. پرەزيدەنت ٷكٸمەت باسشىسىنان باستاپ مينيسترلەرگە دەيٸن بٸر-بٸر سٸلكٸلەپ الدى. كەمشٸلٸكتەرٸ مەن قاتەلٸكتەرٸن بەتتەرٸنە سالىق قىلىپ باستى
مۇنى جولداۋ ەمەس, مەملەكەت باسشىسى قاتىساتىن ٷكٸمەتتٸڭ جۇمىس وتىرىسىنا كٶبٸرەك ۇقساتتىم. ەدەتتە مۇنداي جيىندا نازارباەۆ جالقاۋسىپ, سالاقسىپ كەتكەندەردٸ بٸر سىباپ الاتىن. بۇل جولى دا سولاي بولدى. پرەزيدەنت جٷكتەگەن شارۋانى شاشىراتىپ العان شەندٸ-شەكپەندٸلەر سٶز ەستٸدٸ, – دەيدٸ ول.
سەتپاەۆتىڭ ايتۋىنشا, بۇل جاقسى ٷردٸس.
– نازارباەۆ جولداۋدا اتاپ كٶرسەتٸلگەن مٸندەتتەردٸ كەيٸنگە قالدىرماي دەر ۋاقىتىندا ورىنداۋدى تاپسىرىپ وتىر. وسى سەبەپتٸ دە ٷكٸمەتباسىنى, سالا مينيسترلەرٸن ورنىنان تۇرعىزىپ ٶزٸ تالاي رەت توقتالعان, تالاي رەت تارازىعا تارتقان تاپسىرمالاردى تيياناقتايتىن كەز جەتكەنٸن ايتتى. پرەزيدەنت تاراپىنان كٶپتەن بەرٸ سىن ەستٸمەي بوساڭسىپ كەتسەن ٷكٸمەتتەگٸلەر ٷشٸن بۇل جاقسى ساباق بولدى, – دەيدٸ ساياساتتانۋشى.
بۇل جولى دا تالايدان بەرٸ تٷيٸنٸ تارقاتىلماعان – بيزنەستٸ قولداۋ, ەلەۋمەتتٸك سالاعا بٶلٸنەتٸن اقشانى كٶبەيتۋ, مەم.ورگانداردىڭ جۇمىسىن جٷردەكتەتۋ, ولاردىڭ تيٸمدٸلٸگٸن ارتتىرۋ مەسەلەسٸ سٶز بولدى.
– پرەزيدەنت ەڭ تٶمەنگٸ جالاقىنىڭ مٶلشەرٸن كٶتەرۋ تۋرالى تاپسىرما بەردٸ. دەگەنمەن, مۇنىڭ ورىندالا قويارىنا كٷمەنٸم كٶپ. كٷنٸ كەشە ۇلتتىڭ بانك تٶراعاسى انتيرەسەيلٸك سانكتسييانىڭ كەسٸرٸنەن الداعى جىلى ينفلياتسييانىڭ جوسپارلاعان دەلٸزدەن اسىپ جىعىلارىن ايتتى عوي
بۇل باعا ٶسەدٸ, قىمباتشىلىق قىسادى دەگەندٸ بٸلدٸرەدٸ. تيٸسٸنشە, ٷكٸمەتتٸڭ ەلەۋمەتتٸك شىعىندارى كٶبەيەدٸ. بيلٸك بۇل جاعدايدا ٶزگەرتە السا بٸر جٶن, باتىس سانكتسييالارى مەن قارا التىننىڭ قۇنىنا قارسى قازاقستان ەش قايران قىلا المايدى», – دەيدٸ سەتپاەۆ.
دايىنداعان, دۋمان بىقاي
