قاراعاندى وبلىسى سەتباەۆ قالاسىندا بەس جاسار بالانى زورلادى دەپ كٷدٸككە ٸلٸنگەن 62 جاستاعى ەر ادام 6 قازاندا تەرگەۋ يزولياتورىنان ٶلٸ كٷيٸندە تابىلدى. بۇل اقپاراتتى ايماقتىڭ قىلمىستىق-اتقارۋ جٷيەسٸ دەپارتامەنتٸ راستادى.
- جەدەل جەردەم بريگاداسى ادام ٶلٸمٸ بولعانىن راستادى. ەزٸرگە تولىق ەمەس اقپارات بويىنشا كٷدٸكتٸ سۋيتسيد جاساعان بولۋى مٷمكٸن. تەكسەرۋ كەزٸندە مەيٸتتەن دەنە جاراقاتى تابىلعان جوق. فاكت سوتقا دەيٸنگٸ تەرگەۋ امالدارىنىڭ بٸرىڭعاي رەەسترٸندە تٸركەلدٸ. [تەرگەۋ يزولياتورىنا] قاراعاندى پوليتسيياسى باسقارماسىنىڭ تەرگەۋ توبى كەلدٸ. قىلمىستىق-اتقارۋ جٷيەسٸ دەپارتامەنتٸ قىزمەتتٸك تەكسەرٸس تاعايىندادى, - دەدٸ قاراعاندى وبلىستىق قىلمىستىق-اتقارۋ جٷيەسٸ دەپارتامەنتٸنٸڭ باسپاسٶز قىزمەتٸ ازاتتىق تٸلشٸسٸنە.
24 شٸلدەگە قاراعان تٷنٸ سەتباەۆتا جٷزدەگەن ازامات كٶشەگە شىعىپ, "پەتەرٸندە 5 جاسار بالانى زورلاماق بولعان" ەر ادامدى قولعا تاپسىرۋدى تالاپ ەتكەن ەدٸ. تۇرعىندار "كٸشكەنتاي قىزدى ۇستاپ وتىرعان" كٷدٸكتٸنٸڭ پەتەرٸنٸڭ اينالاسىنا جينالىپ, بٸرنەشە جٸگٸت تەرەزەنٸ شاعىپ, ٸشكە ەنبەك بولعان. جينالعاندار وقيعا ورنىنا كەلگەن پوليتسەيدەن كٷدٸكتٸنٸ قولعا تاپسىرۋدى تالاپ ەتكەن. كەيٸنٸرەك كٷشتٸك قۇرىلىمدار كٷدٸكتٸگە پوليتسەي فورماسىن كيگٸزٸپ, ٷيدەن الىپ شىققانىن ايتقان.
ونداعان ادام پوليتسييا عيماراتىنا قاراي جىلجىپ, قىزمەتتٸك كٶلٸكتەردٸ شاققان, اۆتوبۋستى ٶرتەگەن. تەك تاڭعا قاراي بيلٸك قالاداعى جاعدايدى باقىلاۋعا العان.
كەيٸنٸرەك وسى وقيعا بويىنشا بٸرنەشە ادامنىڭ ۇستالىپ, قامالعانى بەلگٸلٸ بولدى. پوليتسييا اقپاراتىنشا, ولار بۇزاقىلىق جاساعان. تەرگەۋ امالدارىنىڭ اياقتالعانى حابارلانبادى.
ال "بالا زورلادى" دەپ كٷدٸككە ٸلٸنگەن ەر ادام 26 شٸلدەدە قاماۋعا الىنعان. پوليتسييا ونىڭ ەرەكەتٸ "ادام ۇرلاۋ" جەنە "بالا زورلاۋ" بابى بويىنشا قاراستىرىلاتىنىن ايتقان. كٸشكەنتاي قىزدى اۋرۋحانادا تەكسەرگەننەن كەيٸن اتا-اناسىنا تاپسىرعان. ولار قىزىن تابۋعا كٶمەكتەسكەن ەرٸكتٸلەرگە العىس ايتىپ, ينتەرنەت قولدانۋشىلاردى قىزىنىڭ سۋرەتٸن جەلٸدە تاراتا بەرمەۋگە جەنە وقيعانى قايتا-قايتا تالقىلاي بەرمەۋگە شاقىرعان.
سەتباەۆتاعى وقيعادان كەيٸن قوعامدا پەدوفيلدەرگە جازانى كٷشەيتۋ قاجەتتٸگٸ ايتىلدى.
