جەر العان ازاماتتاردىڭ ءبارى بىرنەشە جىلدان بەرى جەر كەزەگىنە تۇرعاندار. سەبەبى اۋدان كولەمىندە 2012 جىلدان وسى كۇنگە دەيىن ەشبىر ەلدى مەكەندە جەر تەلىمدەرى بەرىلمەگەن. وسىعان وراي اتالعان شاراعا اۋدان اكىمى مۇحيت وتارشييەۆ ارنايى قاتىسىپ، جەر يەلەرىنە قۇقىق بەرۋشى قۇجاتتارىن تابىستادى.
– بۇگىنگى تاڭدا اۋدان اۋماعىندا ينفراقۇرىلىمدى دامىتۋ كەزەك كۇتتىرمەيتىن ماسەلەلەردىڭ بىرىنە اينالىپ وتىر. سەبەبى تۇرعىنداردىڭ جەكە تۇرعىن ۇيلەرىن سالۋ ءۇشىن جەر تەلىمىن ءبولۋ جونىندەگى سۇرانىستارى جىلدان-جىلعا ءوسىپ كەلەدى. سونىمەن قاتار تۇرعىن ءۇي سالۋ ءۇشىن جەر تەلىمى بولىنگەنىمەن زاڭ تالاپتارىنا سايكەس، ينفراقۇرىلىممەن قامتاماسىز ەتىلمەگەن جەر تەلىمدەرى تابىستالمايدى.
سوندىقتان، وسى ماسەلەلەردى شەشۋ ماقساتىندا جىلعا اۋىلدىق وكرۋگىندە ينجەنەرلىك-كوممۋنيكاسيالىق ينفراقۇرىلىمدى دامىتۋدا ءبىرقاتار جۇمىستار اتقارىلىپ، ءقازىر سول جەر تەلىمدەرىن تابىستاعالى وتىرمىز. قۇتتى قونىس سالىنىپ، وسى جەر ۇلكەن ورتالىققا اينالسىن! – دەدى اۋدان باسشىسى.
جەر تەلىمىن العان اۋىل تۇرعىنى جارقىنبەك قانايەۆ حالىقتىڭ كوكەيكەستى ماسەلەلەرىنىڭ ءبىرى شەشىمىن تاپقانىنا قۋانىشتى ەكەندىگىن جەتكىزدى. كوپتەن بەرگى ارمانىنىڭ ورىندالعانىن ايتىپ، اۋدان باسشىسىنا العىسىن ءبىلدىردى. سونىمەن قاتار اۋىل قاريالارى دا ەلگە قىزمەت ەتىپ جۇرگەن ازاماتتارعا اق باتاسىن بەرىپ، جاقسى ىستەر جالعاسىن تابا بەرسىن دەگەن ىزگى تىلەكتەرىن جەتكىزدى.
جىلعا ەلدى مەكەنىندە «اۋىل – ەل بەسىگى» باعدارلاماسى اياسىندا 42 گەكتار اۋماقتى ينفراقۇرىلىممەن قامتاماسىز ەتۋ ءۇشىن رەسپۋبليكالىق بيۋدجەتتەن قارجى ءبولىنىپ، 16 شاقىرىم ەلەكتر جەلىلەرى جانە 4 دانا ترانسفورماتور ورناتىلدى. سونداي-اق، ۇزىندىعى 6 شاقىرىمنان اسا كوشەلەرگە شاعال توسەۋ جۇمىستارى جۇرگىزىلدى.
ايتا كەتسەك، بۇگىنگى تاڭدا اۋداندا 18000-نان استام ازامات جەر كەزەگىندە تۇر. تۇرعىن ءۇي قۇرىلىسى ءۇشىن جەر تەلىمىن سۇراپ جازعان وتىنىشتەر سانىن ازايتۋ ماقساتىندا دەربىسەك ەلدى مەكەنىندەگى 70 گا جاڭا قونىستانۋ ايماعىن قاجەتتى ينفراقۇرىلىممەن قامتاماسىز ەتۋ ءۇشىن جوبالىق-سمەتالىق قۇجاتتاماسى ازىرلەنىپ، قۇرىلىس-مونتاج جۇمىستارىنا قارجى ءبولدىرۋ ءۇشىن وبلىستىق بيۋدجەتكە ۇسىنىلعان. قاجەتتى قارجى بولىنگەن جاعدايدا اتالعان ايماق ينفراقۇرىلىممەن قامتاماسىز ەتىلىپ، جەر تەلىمدەرى كەزەكتە تۇرعان ازاماتتارعا بەرىلەدى.
