بۇدان بۇرىن تۇركىستان وبلىسىنىڭ اكىمى ءوڭىردىڭ تاريحي ءھام تۋريستىك الەۋەتىن پاش ەتۋگە ۇكىمەتتىك ەمەس ۇيىمداردى دا بەلسەندى تۇردە ارالاسۋعا شاقىرعان بولاتىن. 

"ءوز تاراپىمىزدان ۇكىمەتتىك ەمەس ۇيىمدارمەن بەلسەندى بايلانىس ورناتۋعا ءازىر ەكەندىگىمىزدى ايتقىم كەلەدى"،  – دەگەن ەدى جانسەيىت تۇيمەبايەۆ.

ال كۇنى كەشە تۇركىستان وبلىسىنىڭ ازاماتتىق اليانسىنىڭ ۇيىمداستىرۋىمەن سارىاعاش اۋدانى اكىمدىگىنىڭ ءماجىلىس زالىندا «ۇكىمەتتىك ەمەس ۇيىمدار ءۇشىن قارجى كوزدەرى جانە الەۋمەتتىك جوبالارداعى يننوۆاسيا» تاقىرىبىندا اۋدانداعى ۇكىمەتتىك ەمەس ۇيىمداردىڭ وكىلدەرىمەن كەزدەسۋ وتكىزىلدى

. كەزدەسۋ جيىنىنا تۇركىستان وبلىسى ازاماتتىق اليانسىنىڭ ءتوراعاسى ش.جامالبەكوۆ، اۋداندىق ارداگەرلەر كەڭەسىنىڭ ءتوراعاسى م.سۇلەيمەنوۆ، «سارىاعاش قالالىق اقساقالدار كەڭەسى» قوعامدىق بىرلەستىگىنىڭ (قب) ءتوراعاسى ر.وسپانوۆ، «مەيىرىمدى انا جۇرەگى ايەلدەر كەڭەسى» قب-نەن ن.تاشىمبەتوۆا، «بەرەكە» ءقب-نىڭ وكىلى گ.اندابايەۆا جانە وزگە دە قوعامدىق بىرلەستىكتەردىڭ وكىلدەرى قاتىستى.

جيىندا ۇكىمەتتىك ەمەس ۇيىمدار ءۇشىن قارجى كوزدەرى:
— مەملەكەتتىك الەۋمەتتىك تاپسىرىس؛
— مەملەكەتتىك گرانتتار؛
— جەرگىلىكتى جانە حالىقارالىق ۇيمدار؛
— بيزنەس قۇرىلىمدار؛
— اقىلى قىزمەتتەر تاقىرىبىندا پىكىر الماسۋلار بولدى.
جيىن باراسىندا قاتىسۋشىلار تاراپىنان ءبىرقاتار سۇراقتار قويىلىپ، ءتيىستى جاۋاپتار بەرىلدى. «بەرەكە» قب تاراپىنان اۋدانىمىزدىڭ ۇكىمەتتىك ەمەس ۇيىمدارىنا قولداۋ كورسەتىلىپ جانە ولاردىڭ جۇمىستارى تولىق ءتۇسىندىرىلدى.