باسپاسٶز مەسليحاتىنا «سامۇرىق-قازىنا» اق باسقارما تٶراعاسى الماسادام سەتقاليەۆ قاتىستى.
ا.سەتقاليەۆتٸڭ ايتۋىنشا, جىل باسىنان بەرٸ «سامۇرىق-قازىنا» قورى بٸرقاتار كادرلىق رەفورمالاردى ٸسكە اسىردى. نۇر-سۇلتان قالاسىنداعى كورپوراتيۆتٸك ورتالىق قىزمەتكەرلەرٸنٸڭ سانى ەكٸ ەسەگە قىسقارتىلدى (248-دەن 124 ادامعا دەيٸن), كومپانييالار توبىندا 106 كەڭەسشٸ جۇمىستان بوساتىلدى, «كەڭەسشٸلەر» ينستيتۋتى ۇيىمدىق قۇرىلىمنان تولىعىمەن جويىلدى.
قوردىڭ بارلىق شەتەلدٸك ٶكٸلدٸكتەرٸ: لوندوندا, بەيجٸڭدە, ابۋ-دابيدە جەنە مەسكەۋدە جابىلدى.
«سامۇرىق-قازىنا» توبىنداعى التى كومپانييانىڭ, ونىڭ ٸشٸندە «قازمۇنايگاز» بەن «QazaqGaz» كومپانيياسىنىڭ باسشىلىعى ٶزگەردٸ. پەرسونالدى وڭتايلاندىرۋ «سامۇرىق-قازىنا» كورپوراتيۆتٸك ورتالىعىنا 2 ميلليارد تەڭگەدەن استام قاراجاتتى ٷنەمدەۋگە مٷمكٸندٸك بەردٸ.
قور قىزمەتٸنٸڭ اشىقتىعىن قامتاماسىز ەتۋ جەنە قارجىلىق-ەكونوميكالىق قۇقىق بۇزۋشىلىقتاردىڭ الدىن الۋ ماقساتىندا سىبايلاس جەمقورلىققا قارسى ٸس-قيمىل اگەنتتٸگٸمەن جەنە قارجى مونيتورينگٸ اگەنتتٸگٸمەن ىنتىماقتاستىق تۋرالى مەموراندۋمدارعا قول قويىلدى. قوردىڭ قوعامدىق كەڭەسٸنٸڭ رٶلٸ كٷشەيتٸلدٸ.
2022 جىلى قور جالاقىسى از ماماندىقتارعا نازار اۋدارا وتىرىپ, جۇمىسكەرلەردٸڭ جالاقىسىن كٶتەردٸ. توپتىڭ بارلىق كومپانييالارىنداعى (239 مىڭ جۇمىسشى مەن ينجەنەرلٸك قىزمەتكەرلەر) ٶندٸرٸستٸك پەرسونالدىڭ جالاقىسى 5 پايىزدان 48 پايىزعا دەيٸن ٶستٸ. جىل سوڭىنا دەيٸن تاعى تٶرت كومپانييا جۇمىسشىلاردىڭ جالاقىسىن قوسىمشا كٶتەرمەك.
سەۋٸر ايىنان باستاپ قور ساتىپ الۋدىڭ جاڭا تەرتٸبٸن ەنگٸزدٸ. قازاقستاندىق كەسٸپكەرلەردٸ قولداۋ كٷشەيتٸلدٸ, بيزنەسكە كەدەرگٸلەر جويىلدى, سىبايلاس جەمقورلىق تەۋەكەلدەرٸ بارىنشا ازايتىلدى.
«سامۇرىق-قازىنا» قورىنىڭ جٷيەلٸ رەفورمالارىنىڭ قاتارىندا قورجىندىق كومپانييالاردى IPO/SPO-عا شىعارۋ جەنە جەكەشەلەندٸرۋ ارقىلى قوردىڭ ەل ەكونوميكاسىنداعى ٷلەسٸن ازايتۋ جوسپارعا ەنگٸزٸلدٸ. بۇل رەتتە قور ستراتەگييالىق اكتيۆتەردەگٸ باقىلاۋ پاكەتٸن ساقتايدى. الداعى 5-8 جىلدا «سامۇرىق-قازىنا» ستراتەگييالىق حولدينگ بولىپ قالادى, الايدا ينۆەستيتسييالىق حولدينگ ٷلگٸسٸنە ٶتۋدٸ جالعاستىرادى. قور پورتفەلدٸك كومپانييالاردى باسقارۋ كەزٸندە اكتيۆتەر قۇنىن بارىنشا ارتتىرا وتىرىپ, شىعىنداردى ازايتۋعا كٷش سالادى.
[video width="1280" height="720" mp4="https://dalanews.kz/wp-content/uploads/2022/05/IMG_7536.mp4"][/video]
قور ٷشٸن وسى كەزەڭدە ەكونوميكانىڭ ناقتى سەكتورىنا ينۆەستيتسييالاردى جٷزەگە اسىرۋ جەنە ەنەرگەتيكا, مۇناي-گاز ٶنەركەسٸبٸ جەنە كٶلٸك جەنە كوممۋنيكاتسييالار سالاسىنداعى ينفراقۇرىلىمدى دامىتۋ باستى باسىمدىق بولىپ تابىلادى.
قازٸرگٸ ۋاقىتتا قور گازبەن جابدىقتاۋ, سۋمەن جابدىقتاۋ, كٶلٸك جەنە ەنەرگەتيكا سالاسىندا بٸرقاتار ٸرٸ ينۆەستيتسييالىق جوبالاردى جٷزەگە اسىرۋدا.
ولاردىڭ باسىم بٶلٸگٸ مەملەكەت باسشىسىنىڭ جولداۋىن ٸسكە اسىرۋ جٶنٸندەگٸ ۇلتتىق ٸس-شارالار جوسپارىنا ەنگٸزٸلگەن.
بۇل جوبالار قازاقستان حالقىنىڭ ٶمٸر سٷرۋ ساپاسىن جاقسارتۋعا باعىتتالعان. وسى جوبالاردى جٷزەگە اسىرۋ اياسىندا 15 مىڭنان استام جۇمىس ورنى اشىلادى. جاڭا جۇمىس ورىندارىن اشۋمەن قاتار, بۇل جوبالاردىڭ جاناما ۇزاق مەرزٸمدٸ ەسەرلەرٸ بار. ول ەڭبەك جەنە ەكولوگييالىق جاعدايدى جاقسارتۋعا, حالىقتىڭ ٶمٸر سٷرۋ دەڭگەيٸن كٶتەرۋگە, ەلەۋمەتتٸك ينفراقۇرىلىمدار مەن كەسٸپكەرلٸكتٸ دامىتۋدى ىنتالاندىرۋدىڭ جيىنتىق نەتيجەسٸ بولماق.
قوردىڭ تاعى بٸر باسىم باعىتى – ەكونوميكانى ەرتاراپتاندىرۋ, ەكسپورتتى الماستىرۋ جەنە وتاندىق بيزنەستٸ قولداۋ. قور وتاندىق بيزنەسپەن بٸرگە ٸرٸ ينۆەستيتسييالىق جوبالاردى قارجىلاندىرۋعا, سونداي-اق بيزنەس ٷشٸن ۇزاق مەرزٸمدٸ وففتەيك-كەلٸسٸمدەر بەرۋگە دايىن. سونىمەن قاتار, «سامۇرىق-قازىنا» قور دەڭگەيٸندە شەتەلدٸك ينۆەستورلارمەن جۇمىستى ٷيلەستٸرۋدٸ جوسپارلاپ وتىر.
[video width="1280" height="720" mp4="https://dalanews.kz/wp-content/uploads/2022/05/IMG_7540.mp4"][/video]
قور اكتسيونەرگە تٶلەنەتٸن ديۆيدەندتەردٸ ارتتىرۋعا باعىتتالعان شارالار قابىلداپ جاتىر. 2021 جىلى قور ديۆيدەندتەر تٷرٸندە رەسپۋبليكالىق بيۋدجەتكە 88,3 ملرد تەڭگە جٸبەردٸ. ٶتكەن جىلدىڭ وڭ نەتيجەلەرٸن ەسكەرە وتىرىپ, بيىل «سامۇرىق-قازىنا» قورى مەملەكەتكە 170 ميلليارد تەڭگە ديۆيدەند تٶلەۋدٸ جوسپارلاپ وتىر.
ٶتكەن جىلى قوردىڭ پورتفەلدٸك كومپانييالارى 1,2 تريلليون تەڭگەگە جۋىق سالىق تٶلەدٸ. بۇل رەسپۋبليكالىق بيۋدجەتكە تٷسەتٸن جىلدىق تٷسٸمدەردٸڭ 10 پايىزىن قۇرايدى.
