Baspasóz máslihatyna «Samuryq-Qazyna» AQ Basqarma Tóraǵasy Almasadam Sátqaliev qatysty.
A.Sátqalievtiń aitýynsha, jyl basynan beri «Samuryq-Qazyna» qory birqatar kadrlyq reformalardy iske asyrdy. Nur-Sultan qalasyndaǵy korporativtik ortalyq qyzmetkerleriniń sany eki esege qysqartyldy (248-den 124 adamǵa deiin), Kompaniialar tobynda 106 keńesshi jumystan bosatyldy, «keńesshiler» institýty uiymdyq qurylymnan tolyǵymen joiyldy.
Qordyń barlyq sheteldik ókildikteri: Londonda, Beijińde, Abý-Dabide jáne Máskeýde jabyldy.
«Samuryq-Qazyna» tobyndaǵy alty kompaniianyń, onyń ishinde «QazMunaiGaz» ben «QazaqGaz» kompaniiasynyń basshylyǵy ózgerdi. Personaldy ońtailandyrý «Samuryq-Qazyna» korporativtik ortalyǵyna 2 milliard teńgeden astam qarajatty únemdeýge múmkindik berdi.
Qor qyzmetiniń ashyqtyǵyn qamtamasyz etý jáne qarjylyq-ekonomikalyq quqyq buzýshylyqtardyń aldyn alý maqsatynda Sybailas jemqorlyqqa qarsy is-qimyl agenttigimen jáne Qarjy monitoringi agenttigimen yntymaqtastyq týraly memorandýmdarǵa qol qoiyldy. Qordyń Qoǵamdyq keńesiniń róli kúsheitildi.
2022 jyly Qor jalaqysy az mamandyqtarǵa nazar aýdara otyryp, jumyskerlerdiń jalaqysyn kóterdi. Toptyń barlyq kompaniialaryndaǵy (239 myń jumysshy men injenerlik qyzmetkerler) óndiristik personaldyń jalaqysy 5 paiyzdan 48 paiyzǵa deiin ósti. Jyl sońyna deiin taǵy tórt kompaniia jumysshylardyń jalaqysyn qosymsha kótermek.
Sáýir aiynan bastap Qor satyp alýdyń jańa tártibin engizdi. Qazaqstandyq kásipkerlerdi qoldaý kúsheitildi, bizneske kedergiler joiyldy, sybailas jemqorlyq táýekelderi barynsha azaityldy.
«Samuryq-Qazyna» qorynyń júieli reformalarynyń qatarynda qorjyndyq kompaniialardy IPO/SPO-ǵa shyǵarý jáne jekeshelendirý arqyly Qordyń el ekonomikasyndaǵy úlesin azaitý josparǵa engizildi. Bul rette Qor strategiialyq aktivterdegi baqylaý paketin saqtaidy. Aldaǵy 5-8 jylda «Samuryq-Qazyna» strategiialyq holding bolyp qalady, alaida investitsiialyq holding úlgisine ótýdi jalǵastyrady. Qor portfeldik kompaniialardy basqarý kezinde aktivter qunyn barynsha arttyra otyryp, shyǵyndardy azaitýǵa kúsh salady.
[video width="1280" height="720" mp4="https://dalanews.kz/wp-content/uploads/2022/05/IMG_7536.mp4"][/video]
Qor úshin osy kezeńde ekonomikanyń naqty sektoryna investitsiialardy júzege asyrý jáne energetika, munai-gaz ónerkásibi jáne kólik jáne kommýnikatsiialar salasyndaǵy infraqurylymdy damytý basty basymdyq bolyp tabylady.
Qazirgi ýaqytta Qor gazben jabdyqtaý, sýmen jabdyqtaý, kólik jáne energetika salasynda birqatar iri investitsiialyq jobalardy júzege asyrýda.
Olardyń basym bóligi Memleket basshysynyń Joldaýyn iske asyrý jónindegi Ulttyq is-sharalar josparyna engizilgen.
Bul jobalar Qazaqstan halqynyń ómir súrý sapasyn jaqsartýǵa baǵyttalǵan. Osy jobalardy júzege asyrý aiasynda 15 myńnan astam jumys orny ashylady. Jańa jumys oryndaryn ashýmen qatar, bul jobalardyń janama uzaq merzimdi áserleri bar. Ol eńbek jáne ekologiialyq jaǵdaidy jaqsartýǵa, halyqtyń ómir súrý deńgeiin kóterýge, áleýmettik infraqurylymdar men kásipkerlikti damytýdy yntalandyrýdyń jiyntyq nátijesi bolmaq.
Qordyń taǵy bir basym baǵyty – ekonomikany ártaraptandyrý, eksportty almastyrý jáne otandyq biznesti qoldaý. Qor otandyq biznespen birge iri investitsiialyq jobalardy qarjylandyrýǵa, sondai-aq biznes úshin uzaq merzimdi offteik-kelisimder berýge daiyn. Sonymen qatar, «Samuryq-Qazyna» Qor deńgeiinde sheteldik investorlarmen jumysty úilestirýdi josparlap otyr.
[video width="1280" height="720" mp4="https://dalanews.kz/wp-content/uploads/2022/05/IMG_7540.mp4"][/video]
Qor aktsionerge tólenetin dividendterdi arttyrýǵa baǵyttalǵan sharalar qabyldap jatyr. 2021 jyly Qor dividendter túrinde respýblikalyq biýdjetke 88,3 mlrd teńge jiberdi. Ótken jyldyń oń nátijelerin eskere otyryp, biyl «Samuryq-Qazyna» qory memleketke 170 milliard teńge dividend tóleýdi josparlap otyr.
Ótken jyly Qordyń portfeldik kompaniialary 1,2 trillion teńgege jýyq salyq tóledi. Bul respýblikalyq biýdjetke túsetin jyldyq túsimderdiń 10 paiyzyn quraidy.
