بۇل تۋرالى بولات جەمٸشەۆتٸڭ تٶراعالىعىمەن ٶتكەن «سامۇرىق-قازىنا» ۇەق قوعامدىق كەڭەسٸنٸڭ وتىرىسىندا قوردىڭ باسقارۋشى ديرەكتورى عيبرات اۋعانوۆ حابارلادى. قوعامدىق كەڭەستٸڭ كەزەكتٸ اشىق وتىرىسى «سامۇرىق-قازىنا» قورىنا قارايتىن كومپانييالارداعى ەڭبەكتٸ قورعاۋ مەسەلەسٸنە ارنالدى.
وعان كەڭەس مٷشەلەرٸمەن قاتار, قازاقستاندىق قوعام بەلسەندٸلەرٸ, ساياساتكەرلەر مەن ساراپشىلار قاتىستى. «سامۇرىق-قازىنا» قورىنىڭ قوعاممەن بايلانىس, ەلەۋمەتتٸك-ەڭبەك قاتىناستارى جەنە ەڭبەكتٸ قورعاۋ بويىنشا باسقارۋشى ديرەكتورى عيبرات اۋعانوۆتىڭ ايتۋىنشا, 2022 جىلى قولعا الىنعان شارالاردىڭ نەتيجەسٸندە كومپانييالار توبىنداعى جالپى جاراقاتتانۋ دەڭگەيٸ 2021 جىلمەن سالىستىرعاندا 16% قىسقارعان.
LTIF جاراقاتتانۋ كوەففيتسيەنتٸ, ياعني جۇمىسشىنىڭ ۋاقىتشا ەڭبەككە جارامسىزدىعىنا ەكەلگەن جاراقاتتاردىڭ جيٸلٸگٸ 0,16-نى قۇراسا, ٶلٸم جاعدايلارىنىڭ كوەففيتسيەنتٸ 11%-عا تٶمەندەدٸ. عيبرات اۋعانوۆ بۇل رەتتە پورتفەلدٸك كومپانييالار مەن تەۋەلدٸ, ەنشٸلەس ۇيىمداردىڭ بٸرٸنشٸ باسشىلارىنىڭ جەكە جاۋاپكەرشٸلٸگٸن ارتتىرۋ قولعا الىنعانىن اتاپ ٶتتٸ.
«ونىڭ اياسىندا قازاقتەلەكوم, KEGOC, QazaqGaz جەنە Samruk-Kazyna Ondeu كومپانييالارىندا قور تەجٸريبەسٸنە سٷيەنە وتىرىپ العاش رەت ٶندٸرٸستٸك قاۋٸپسٸزدٸك بويىنشا مامانداندىرىلعان فورۋمدار ٶتكٸزٸلدٸ. وندا تەۋەلدٸ ەنشٸلەس ۇيىمدار مەن قۇرىلىمدىق بٶلٸمشەلەردٸڭ باسشىلارى ٶندٸرٸستٸك قاۋٸپسٸزدٸك بويىنشا ٶز موينىنا جەكە مٸندەتتەمەلەردٸ الدى. بۇدان بٶلەك, پورتفەلدٸك كومپانييالاردىڭ بٸرٸنشٸ باسشىلارى كەمٸندە 2 ايدا 1 رەت ەنشٸلەس, تەۋەلدٸ ۇيىمداردىڭ ٶندٸرٸستٸك الاڭدارىنا بارىپ, تەكسەرۋ جٷرگٸزۋ تەرتٸبٸ بەلگٸلەندٸ. بۇل جۇمىس قازٸرگٸ تاڭدا دا جٷرگٸزٸلٸپ جاتىر. 2022 جىلى مۇنداي 43 تەكسەرۋ بولدى», – دەدٸ عيبرات اۋعانوۆ.
سونداي-اق, ول ۇلىبريتانييانىڭ قاۋٸپسٸزدٸك تەحنيكاسى جەنە دەنساۋلىق ساقتاۋ ينستيتۋتى ماقۇلداعان «ەڭبەك قاۋٸپسٸزدٸگٸنٸڭ مەدەنيەتٸ» اتتى كورپوراتيۆتٸك وقۋ كۋرسىن ەزٸرلەنگەنٸنە نازار اۋداردى. بۇل كۋرس بويىنشا ٶندٸرٸستٸك قىزمەتكەرلەردٸ 100% وقىتۋدى جوسپارلانعان.
