سوندا بالامنىڭ ايتقانى: «ءبىر ادامدى نەشە رەت ۇيلەندىرە بەرۋگە بولادى؟ ءوزىم مۇندايعا جول بەرمەيمىن: تۋعان كۇنىمدە جاساپ، كەشكە دەيىن بارلىعىن بىتىرەمىن».
"توي مەن قۇدالىقتا وتىرىپ بوس وتكىزگەن ۋاقىتىمىزدى ايايمىن"، – دەيدى بەدەۋلىكتى ەمدەۋ «ەكومەد» كلينيكالارى جەلىسىنىڭ جەتەكشىسى سالتانات بايقوشقاروۆا. بۇل تۋرالى ول Dalanews.kz-كە بەرگەن سۇحباتىندا ايتتى.
"تۋىستارىمىزدىڭ ۇيلەنۋ تويىنىڭ شىعىسىن ۇنەمدەۋدى، تەاترلاندىرىلعان قويىلىم-كورىنىستەر قاجەتتىلىگىنىڭ جوقتىعىن تۇسىندىرۋمەن ءجۇرمىن
بىردە كورشىمىزدىڭ ۇلىنىڭ ۇيلەنۋى شارالارىنا قاتىستىق. جاقىن ارالاساتىن بولعاندىقتان، جۇبايىم ەكەۋىمىز 7-8 رەت ەكى جاقتىڭ قۇدا ءتۇسۋ، قۇدالىق، سىرعا سالۋ، ۇزاتۋ توي، ۇلكەن توي، ەرتەڭىنە قۇدا كۇتۋ كىشى تويلارى سىقىلدى راسىمدەرىنە قاتىسۋمەن قالادان-قالاعا بارىپ، ءبىر اپتادان اسا ءجۇرىپپىز.
كىشى ۇلىم بولسا قاراۋسىز قالعانى.
سوندا بالامنىڭ ايتقانى: «ءبىر ادامدى نەشە رەت ۇيلەندىرە بەرۋگە بولادى؟ ءوزىم مۇندايعا جول بەرمەيمىن: تۋعان كۇنىمدە جاساپ، كەشكە دەيىن بارلىعىن بىتىرەمىن».
بايقاساڭىز، كىشكەنتاي بالالاردىڭ وزدەرى دە قازاق تويىنىڭ راسيونالدى ەمەسىنە كوزدەرى جەتتى.
سونشا اۋرە بولىپ ءجۇرىپ ۇيلەندىرگەن جاستارىمىز 3 اي بولماي مىنەزدەرى كەلىسپەي اجىراسىپ كەتتى، سوندا ىشتەي قىنجىلدىم، بالامدى قاراۋسىز قالدىرىپ، بوسقا وتكەن بەكەر ۋاقىتىمىزعا"، – دەيدى ول.
Dalanews.kz-كە سۇحبات بەرگەن سالتانات بايقوشقاروۆا قازاقتا كوپ بالا تۋىپ، كەيىن بىر-ەكەۋىنە بارلىق اۋىرتپالىقتى جۇكتەپ قويۋ داعدىسى قالىپتاسقانىن سىنعا الدى.
"قازاعىمىزدا ادەتتە وتباسىداعى ونشاقتى بالادان جارامدىسى – بىرەۋى، ءارى كەتسە ەكەۋ-ۇشەۋى.
ءسويتىپ، ولار ءومىر بويى باۋىرلارىن تارتۋمەن وتەدى. تانىس جاعداي ما؟
تاجىريبەمدە جاسى ۇلعايعان، ۇيلەنبەگەن، بالاسى جوق ءبىراز ايەلدەر كەزدەستى. جاسى 40-45-تەن اسقان ولار نارەستەلى بولۋعا نيەتتى ەكەنىن ايتتى. جاستىق شاعى قالاي ءوتتى دەسەك، وزىنەن كىشى باۋىرلارىنىڭ جاعدايىن جاساۋمەن ۋاقىتتى وتكىزىپ العاندارىن ايتادى. باسقا مىسال.
كلينيكالارىمىزدىڭ بىرىندە قىزمەتتەگى 39 جاستاعى مەيىربيكەنىڭ جالعىز ۇلى بار.
بىردە: «كلينيكا مۇمكىنشىلىگىن پايدالانىپ، تاعى ءبىر بالا تۋىپ الساڭ قايتەدى»، – دەپ ەدىم، – «مەن تۋىپ العىم-اق كەلەدى، ءبىراق كۇيەۋىم 13 بالانىڭ ۇلكەنى، وتباسىلىق ماسەلەلەردەن ابدەن شارشاعان»، دەگەن جاۋاپ ەستىدىم.
«ءوزىڭ كوتەرە قالساڭ، تۋ، قارسىلىعىم جوق. بالا تۋۋ ءۇشىن ەكو جاساۋعا ادەيىلەپ بارمايسىڭ. ۇلىم باۋىرلارىن پريسەپ سەكىلدى تارتىپ جۇرگەنىن قالامايمىن. 5-6 بالانى تاۋىپ، تاۋىپ، ءبىرىن بىرىنە ءىلىپ قويعاندى تەك ءبىزدىڭ قازاقتان كوردىم»، دەپ اشىق ايتقان ەكەن".
ءوز سۇحباتىندا «ەكومەد» كلينيكاسىنىڭ باسشىسى كوپبالالى وتباسىلاردىڭ كوبەيۋىنە قارسى ەمەسىن، الايدا وتباسىن قۇرعان جاستارعا بالانى اياعىنان تىك تۇرعىزىپ جىبەرۋگە كوز جەتكىزىپ بارىپ ومىرگە اكەلۋىنە كەڭەس بەرەدى.
"كەيىن بالالارىڭىز «كەدەيلىككە ۇشىراتقاندارىڭ قالاي؟» دەپ جۇرمەسىن. مەملەكەت ەڭ قاجەتتى نارسەلەرمەن عانا قامتيدى، قالعانى – اتا-انانىڭ جاۋاپكەرشىلىگىندە.
مەنىڭ پايىمداۋىم بويىنشا، ادام ۇرپاعى ءۇشىن جاۋاپكەرشىلىكتىڭ 30 پايىزى مەملەكەت، قالعان 70 پايىزى ءوز مويىنىندا بولۋى ءتيىس"، – دەيدى ول.
