اقمولا وبلىسىندا پوليتسەيلەر كٶمٸرتەگٸ توتىعىمەن ۋلانعان جٷرگٸزۋشٸنٸ قۇتقارىپ قالدى, دەپ حابارلايدى Dalanews.kz
وقيعا 20 ناۋرىز كٷنٸ تاڭەرتەڭ استانا — پەتروپاۆل اۆتوجولىندا بولعان.
"ساعات 07:00 شاماسىندا پوليتسييا قىزمەتكەرلەرٸ كاپوتتىڭ استىنان قالىڭ تٷتٸن شىققان گازەل كٶلٸگٸن بايقاعان. ولار بٸردەن كٶلٸكتٸ تەكسەرۋگە كٸرٸسكەن, الايدا ٸشٸندە وتىرعان ادام جاۋاپ بەرمەگەن. سوندىقتان ينسپەكتورلاردىڭ بٸرٸ تەرەزەنٸ سىندىرۋعا مەجبٷر بولدى. كٶلٸك ٸشٸندە ەس-تٷسسٸز جاتقان جٷرگٸزۋشٸ انىقتالدى", - دەلٸنگەن حابارلامادا.
پوليتسەيلەر ازاماتتى دەرەۋ تازا اۋاعا شىعارىپ, العاشقى مەديتسينالىق كٶمەك كٶرسەتكەن.
الدىن الا مەلٸمەت بويىنشا, 22 جاستاعى جٷرگٸزۋشٸ قوزعالتقىشى قوسۋلى كٶلٸكتە ۇيىقتاپ قالىپ, كٶمٸرتەگٸ توتىعىمەن ۋلانىپ قالعان. قازٸرگٸ ۋاقىتتا ازاماتتىڭ ٶمٸرٸنە قاۋٸپ تٶنٸپ تۇرعان جوق.
پوليتسييا تۇرعىندارعا اۆتوكٶلٸكتٸ پايدالانۋ كەزٸندە قاۋٸپسٸزدٸك تالاپتارىن قاتاڭ ساقتاۋدى ەسكەرتەدٸ.
