مەملەكەت باسشىسى قاسىم-جومارت توقاەۆ قازاقستاندىقتاردى ناۋرىز مەيرامىمەن قۇتتىقتادى, دەپ حابارلايدى Dalanews.kz
"بارشاڭىزدى ۇلىستىڭ ۇلى كٷنٸ – ەز-ناۋرىز مەيرامىمەن شىن جٷرەكتەن قۇتتىقتايمىن! ەز-ناۋرىز – تازارۋ, جاڭارۋ ۋاقىتى. تازالىق – مەن-ماعىناسى كەڭ ۇعىم. بۇل – ەڭ الدىمەن, وي تازالىعى, سانا مەن نيەت تازالىعى دەگەن سٶز", - دەدٸ پرەزيدەنت.
مەملەكەت باسشىسى ەكٸ جىل بۇرىن ەلٸمٸزدە «تازا قازاقستان» جالپىۇلتتىق اكتسيياسى باستاۋ العانىن ەسكە سالدى.
"اۋقىمدى جوبا حالىقتىڭ, ەسٸرەسە, جاستاردىڭ جاپپاي قولداۋىنا يە بولدى. ازاماتتارىمىز تازالىقتى قۇر سٶزبەن ەمەس, ناقتى ٸسٸمەن كٶرسەتۋدە. ۇقىپتىلىق, جيناقىلىق, تيياناقتىلىق قاسيەتتەرٸ ۇلتىمىزدىڭ جاڭا ساپاسىنا اينالا باستادى.
جالپى, «تازا قازاقستان» باستاماسى – جاي عانا كەزەكتٸ ساياسي ناۋقان نەمەسە ٷگٸت-ناسيحات ەمەس, بۇل – مەملەكەتٸمٸزدٸڭ مىزعىماس يدەولوگيياسى. سوندىقتان وسى يگٸ ٸسپەن بٸز جىل بويى اينالىسۋىمىز كەرەك, بۇل ۇلت بولمىسىنىڭ اجىراماس بٶلٸگٸ بولۋعا تيٸس. ەسٸرەسە, ۇلىستىڭ ۇلى كٷنٸ تازالىق فيلوسوفيياسىن كەڭٸنەن دەرٸپتەۋ ماڭىزدى", - دەدٸ ول.
پرەزيدەنت قازٸر قازاقستاندا تٷبەگەيلٸ ٶزگەرٸستەر كەزەڭٸ باستالعانىن ايتتى.
"بەرٸمٸز بٸر ەل بولىپ كونستيتۋتسييالىق رەفورمانى تابىستى جٷزەگە اسىردىق. بۇل رەفورمانىڭ تاريحي مەن-ماعىناسى ەرەكشە. ونىڭ ەل دامۋىنا تيگٸزەتٸن ىقپالى اسا كٷشتٸ بولارىنا كٷمەن جوق.
جاڭا كونستيتۋتسييا, ەڭ الدىمەن, ٶسكەلەڭ ۇرپاقتىڭ يگٸلٸگٸ ٷشٸن قابىلداندى, بۇل جاستارعا ارنالعان قۇجات دەسەك, قاتە بولمايدى. ەلٸمٸزگە جانى اشيتىن, ياعني شىن مەنٸندە جاناشىر ۇرپاق قانا قازاقستاننىڭ كٶركەيۋٸنە مول ٷلەس قوسا الادى. ەلٸمٸزدٸڭ كەلەشەگٸ – وتانشىل, جاسامپاز, جاۋاپكەرشٸلٸگٸ مول جاستاردىڭ قولىندا.
بٸز ەشقانداي كەدەرگٸ مەن قيىندىققا قاراماي, ەلٸمٸزدٸ ٶركەنيەت جولىنا شىعارۋىمىز كەرەك. حالقىمىزدىڭ تاريحي تاعدىرى – ٶزٸمٸزدٸڭ قولىمىزدا.
قازاقستاننان باسقا وتانىمىز جوق. شىندىقتى ايتساق, قازاقستاننىڭ دامۋى مەن ٶرلەۋٸ بٸزدەن باسقا ەشكٸمگە كەرەك جوق. سوندىقتان قازٸرگٸ ۇرپاق وتانىمىزدىڭ باياندى بولاشاعى ٷشٸن بارلىق جاعدايدى جاساۋى كەرەك.
بەرٸمٸز بٸر ۇلت بولىپ, بٸر ەل بولىپ وسى ۇلى تاريحي جورىقتا مٸندەتتٸ تٷردە جەڭٸسكە جەتۋٸمٸز قاجەت. بۇل – بٸزدٸڭ ەڭ باستى مٸندەتٸمٸز, ميسسييامىز", - دەدٸ توقاەۆ.
توقاەۆ قازاقستاندىقتارعا اماندىق پەن تىنىشتىق تٸلەدٸ.
"ۇلىستىڭ ۇلى كٷنٸ جەر انا دا, ەلٸمٸز دە جاڭارىپ جاتقان وسى تاريحي سەتتە ايتىلعان تٸلەكتٸڭ مەن-ماعىناسى ايرىقشا دەپ ويلايمىن. سوندىقتان ەڭ باستىسى ەلٸمٸزگە اماندىق, جەرٸمٸزگە تىنىشتىق تٸلەيمٸن. قاسيەتتٸ وتانىمىز – قازاقستان رەسپۋبليكاسى مەڭگٸ جاساسىن! اتا زاڭىمىز ٶز تۇعىرىنان تٷسپەسٸن! تۋىمىز بيٸكتە جەلبٸرەسٸن! ۇلىس وڭ بولسىن, اق مول بولسىن! ەلٸمٸزدٸڭ تٶرت قۇبىلاسى تٷگەل بولسىن", - دەدٸ مەملەكەت باسشىسى.
