قازاقستان مەكتەپتەرٸنە ٷشتٸلدٸلٸكتٸ ەنگٸزۋ مەسەلەسٸنە ارنالعان IQ Studio ساراپتامالىق جيىنى بولىپ ٶتتٸ. وعان اكادەميك اسقار جۇمادٸلداەۆ, جۋرناليست ەمٸرجان قوسانوۆ, قوعام قايراتكەرٸ دوس كٶشٸم شاقىرىلىپ, ەنگٸزٸلگەلٸ وتىرعان رەفورماعا قاتىستى پٸكٸرلەر مەن ويلار ورتاعا سالىندى.
اتالعان ۇلت زييالىلارى بۇل رەفورمانىڭ تولىقتاي قاراستىرىلماعان جەنە پٸسٸپ جەتٸلمەگەنٸن بٸراۋىزدان ايتتى. بۇل تۇستا ولار ٷش تۇعىرلى تٸلگە ەمەس, ٷش تٸلدٸ باستاۋىش سىنىپتان باستاپ وقىتۋ مەسەلەسٸنە نارازى ەكەندٸكتەرٸن اتاپ ايتتى.
"بۇل سوڭعى ۋاقىتتاردا قازاق تٸلدٸلەردٸڭ كٶبەيٸپ كەلە جاتقانىنا ورىس تٸلٸن سان-تٷرلٸ ايلا-تەسٸلدەرمەن ساقتاپ قالۋ ٷشٸن جاسالعان تەحنولوگييا دەپ ويلايمىن",- دەدٸ دوس كٶشٸم.
دوس كٶشٸم جيىن مودەراتورى راسۋل جۇمالىنىڭ:
"بۇعان دەيٸن ايتىلىپ كەلگەن مەسەلە - ەكٸتٸلدٸلٸك ساياسات. سول ەكٸتٸلدٸلٸك ساياساتى ٶزٸنٸڭ قورىتىندىسىنا كەلدٸ مە, ەكٸنشٸدەن وسى ەكٸتٸلدٸلٸك ساياساتتى بٸتٸرمەي جاتىپ, ٷشتٸلدٸلٸك تۇعىرعا كٶشۋ قانشالىقتى قيسىندى?", - دەگەن سۇراعىنا:
"بۇل شوپان دا, بازاردا وتىرعان قازاقتار دا تالقىلاپ جاتقان مەسەلە. سوندىقتان بٸز مۇنى جٷيە دەپ اتايىق. بۇل جەردە ٷش ناقتى مەسەلە بار. بٸرٸنشٸسٸ, بالانىڭ باسىن اتالا قىلىپ, تٶرت-بەس جاستان قازاقشا, ورىسشا, اعىلشىنشا ٷيرەتۋ. ەكٸنشٸدەن جوعارعى سىنىپتاردا نەگٸزگٸ پەندەر, نەگٸزگٸ فيزيكا, حيمييا, ماتەماتيكانىڭ اعىلشىن تٸلٸندە ٶتۋٸ. بۇل بٸزدٸڭ قابىلداي الماي جاتقان ەكٸنشٸ مەسەلەمٸز. ٷشٸنشٸ مەسەلە بار, بۇل - جالپى تاريحتى ورىس تٸلٸندە بەرۋ", - دەيدٸ ول.
"جيىرما جەتٸ جىل بويى ورىستٸلدٸ بالالارعا قازاق تٸلٸن وقىتىپ, "سەلەمەتسٸز بە" دەگەن سٶزدٸ بٸلمەيتٸن بالالاردى تەربيەلەپ شىعارعان مينيسترلٸك, قالايشا ٷش تٸلدە وقىتادى. بۇل مينيسترلٸككە قالاي سەنۋگە بولادى. نەلٸكتەن مەكتەپتە تاريح پەنٸنەن ساباقتى ورىس تٸلٸندە بەرۋٸمٸز كەرەك, وسىعان ۋەج بار ما? نەگٸزدەمە بار ما? دٷنيەجٷزٸ مەكتەپتەرٸ ورىسشا وقىتىپ جاتىر دەسە تٷسٸنەر ەم", - دەدٸ ول.
دوس كٶشٸمنٸڭ ايتۋىنشا, مۇنداي شەشٸم شىعارۋعا بٸلٸم مينيسترلٸگٸنٸڭ ەش نەگٸزدەمەسٸ بولماعان.
دەرەككٶز: nur.kz
