ساياساتتانۋشى عازيز ەبٸشەۆ قىرعىزستان پرەزيدەنتٸنٸڭ باسپاسٶز حاتشىسى كٶتەرگەن قازاقستان مەن قىرعىزستان اراسىنداعى جەر تەلٸمدەرٸن ايىرباستاۋ مەسەلەسٸنە پٸكٸر بٸلدٸردٸ, دەپ حابارلايدى dalanews.kz.
ونىڭ ايتۋىنشا, سٶز توقماق قالاسى ماڭىنداعى ۇزىندىعى شامامەن 800 مەتر بولاتىن اۋماق تۋرالى بولىپ وتىر. بۇل جەر قىرعىزستانعا اقىلى اۆتوجول سالۋ ٷشٸن قاجەت. قىرعىز تاراپى قازاقستانعا قۇنى بٸردەي جەر تەلٸمدەرٸمەن ايىرباستاۋ جٶنٸندە ۇسىنىس جاساعان.
عازيز ەبٸشەۆتٸڭ پٸكٸرٸنشە, قازاقستان بۇل ۇسىنىستان باس تارتۋى ىقتيمال.
ساياساتتانۋشىنىڭ ايتۋىنشا, قازاقستان ٷشٸن اۋماقتىق تۇتاستىق مەسەلەسٸ – اسا ماڭىزدى ەرٸ تالقىلاۋعا جاتپايتىن تاقىرىپ. ەل تەۋەلسٸزدٸك العاننان كەيٸن مەملەكەتتٸك شەكارانى زاڭدىق تۇرعىدا بەكٸتۋ ٷشٸن اۋقىمدى جۇمىس جٷرگٸزٸلدٸ. سول كەزەڭدە ەربٸر شارشى شاقىرىم مۇقييات قارالىپ, كەيبٸر جەرلەر بويىنشا ٶزارا كەلٸسٸم جاسالسا, كەيبٸرٸندە قازاقستان ٶز ۇستانىمىن قورعاپ قالدى.
ول بٷگٸندە قازاقستاننىڭ بارلىق مەملەكەتتٸك شەكاراسى تولىق دەليميتاتسييالانىپ, دەماركاتسييالانعانىن, حالىقارالىق-قۇقىقتىق رەسٸمدەر اياقتالعانىن اتاپ ٶتتٸ. سوندىقتان بۇل مەسەلەنٸ قايتا كٶتەرۋدٸڭ, تٸپتٸ بٸرنەشە شارشى شاقىرىم ٷشٸن بولسا دا, ەشقانداي قاجەتتٸلٸگٸ جوق دەپ سانايدى.
ەبٸشەۆ سونداي-اق قازاقستان مەن قىرعىزستان اراسىندا اۋماقتىق داۋ جوق ەكەنٸن ەسكە سالدى. ەكٸ ەل اراسىنداعى مەملەكەتتٸك شەكارا, سونداي-اق ٶزبەكستان جەنە قىتايمەن تٷيٸسەتٸن شەكارا نٷكتەلەرٸ تولىق كەلٸسٸلگەن.
ساراپشىنىڭ پٸكٸرٸنشە, قازاقستان كونستيتۋتسيياسىندا دا مەملەكەتتٸك شەكارانىڭ قول سۇعىلماستىعى مەن ەل اۋماعىنىڭ بٶلٸنبەيتٸندٸگٸ ناقتى بەكٸتٸلگەن.
ونىڭ ايتۋىنشا, مۇنداي ۇسىنىستى قابىلداۋ بولاشاقتا قاۋٸپتٸ پرەتسەدەنت قالىپتاستىرۋى مٷمكٸن. ەگەر قازاقستان بٸر مەملەكەتپەن شەكارانى قايتا قاراۋعا كەلٸسسە, كەيٸن دەل وسىنداي تالاپتاردى باسقا ەلدەر دە قويۋى ىقتيمال.
«جەر مەن اۋماق مەسەلەسٸ – مەملەكەتتەر اراسىنداعى تۇراقتىلىقتىڭ نەگٸزٸ. بۇل – تالقىلاۋعا بولمايتىن مەسەلە», – دەپ تٷيٸندەدٸ عازيز ەبٸشەۆ.
ەسكە سالايىق, بۇعان دەيٸن قىرعىزستان قازاقستانعا شەكاراداعى جەر تەلٸمدەرٸن ايىرباستاۋدى ۇسىنعان بولاتىن.
قىرعىزستان پرەزيدەنتٸنٸڭ باسپاسٶز حاتشىسى اسحات الاگٶزوۆتٸڭ ايتۋىنشا, جولدىڭ ۇزىندىعى شامامەن 150 شاقىرىم بولادى. ەڭگٸمە توقماق ماڭىنداعى ۇزىندىعى 800 مەتر بولاتىن ۋچاسكە تۋرالى بولىپ وتىر.
