قازاقستاننىڭ رەسمي باس گازەتى "ەگەمەن قازاقستان" سوڭعى ۋاقىتتا بۇقاراشىل باسىلىمعا اينالدى. بۇرىن سوڭدى بولماعان تىڭ باستاما جاساپ، تالاپكەرلەرگە ارناپ، ۇلتتىق ءبىرىڭعاي تەستىلەۋدىڭ سۇراقتارىن جاريالاپ وتىراتىن بولدى. گازەت ىشىندەگى بۇل كىتاپشاداعى سۇراقتارمەن ەندى مىڭداعان تالاپكەر دايىندالاتىن بولادى.
ءبىراق، بۇل تىڭ باستاما ەكىنشى جاعىنان ءبىلىم جانە عىلىم مينيسترلىگىنىڭ ولقىلىقتارىن دا تايعا تاڭبا باسقانداي كوز الدىمىزعا اكەلە قوياتىن بولدى. مىسالى، "ەگەمەن قازاقستاننىڭ" 1 ناۋرىزىنداعى سانىنداعى (سۋرەتتەگى) سۇراققا قاراڭىزشى.
قازاقستاننىڭ بۇكىل ءباسپاسوزىن جاۋلاپ الىپ، كۇنى-تۇنى ىشكەن-جەگەنىن جىر قىلاتىن "جۇلدىزدارىمىز" ەندى عىلىمي اينالىمعا اۋىز سالا باستاپتى.
ەرمەك تۇرسىنوۆ - رەجيسسەر. ءبىراق، ونىڭ تۋىندىلارى ۇبت-دا سۇراق بولاتىنداي دەڭگەيگە جەتكەن جوق دەپ ويلايمىز. ال، بايان ماقسات قىزى مەن نۇرتاس ادامبايەۆقا قاتىستى جاق اشپاۋدى ءجون سانايمىز. ءبىزدىڭ بالالار، مەكتەپ وقۋشىلارى، ولاردىڭ تۋىندىلارىن عىلىم دەپ تانيتىن بولسا، وندا تولىق رۋحاني داعادىرس پەن ستاگناسياعا جەكتەن ەكەنبىز!
ۇبت-دا ءدال وسىنداي تۇسىنىكسىز ءھام كۇلكىلى سۇراقتىڭ ءجۇرۋى ءبىلىم مينيسترلىگىنىڭ "بىلىمسىزدىگىن" كورسەتە تۇسكەندەي. ولار ەندى ۇبت سۇراقتارىن گازەتتەردەگى سۇحباتتار نەگىزىندە دايىنداۋعا كىرىسكەن سەكىلدى.
مۇنداي مازاقى ىستەرگە قاشانعى شىداۋعا بولادى؟ ايتىڭىزشى، ساعادييەۆ مىرزا!
ءشارىپحان قايسار
Abai.kz
