Qazaqstannyń resmi bas gazeti "Egemen Qazaqstan" sońǵy ýaqytta buqarashyl basylymǵa ainaldy. Buryn sońdy bolmaǵan tyń bastama jasap, talapkerlerge arnap, Ulttyq biryńǵai testileýdiń suraqtaryn jariialap otyratyn boldy. Gazet ishindegi bul kitapshadaǵy suraqtarmen endi myńdaǵan talapker daiyndalatyn bolady.
Biraq, bul tyń bastama ekinshi jaǵynan Bilim jáne Ǵylym ministrliginiń olqylyqtaryn da taiǵa tańba basqandai kóz aldymyzǵa ákele qoiatyn boldy. Mysaly, "Egemen Qazaqstannyń" 1 naýryzyndaǵy sanyndaǵy (sýrettegi) suraqqa qarańyzshy.
Qazaqstannyń búkil baspasózin jaýlap alyp, kúni-túni ishken-jegenin jyr qylatyn "juldyzdarymyz" endi ǵylymi ainalymǵa aýyz sala bastapty.
Ermek Tursynov - rejisser. Biraq, onyń týyndylary UBT-da suraq bolatyndai deńgeige jetken joq dep oilaimyz. Al, Baian Maqsatqyzy men Nurtas Adambaevqa qatysty jaq ashpaýdy jón sanaimyz. Bizdiń balalar, mektep oqýshylary, olardyń týyndylaryn ǵylym dep tanityn bolsa, onda tolyq rýhani daǵadyrs pen stagnatsiiaǵa jekten ekenbiz!
UBT-da dál osyndai túsiniksiz hám kúlkili suraqtyń júrýi Bilim ministrliginiń "bilimsizdigin" kórsete túskendei. Olar endi UBT suraqtaryn gazetterdegi suhbattar negizinde daiyndaýǵa kirisken sekildi.
Mundai mazaqy isterge qashanǵy shydaýǵa bolady? Aityńyzshy, Saǵadiev myrza!
Sháriphan Qaisar
Abai.kz
