اسا قۇرمەتتٸ, اماندىق اتا! مەنٸڭ اتى-جٶنٸم نۇرتٸلەۋ تۇرسىنعاليۇلى. مەن سٸزگە بٷگٸن ٷلكەن ٶتٸنٸشپەن حات جولداپ وتىرمىن.
مۇنداي حات جازۋ, ەرينە, مەن ٷشٸن ٶتە اۋىر. دەسە دە, سٸزدەن باسقا مۇڭىمدى شاعار ادامىم جوق. سٸز وبلىسىمىزدىڭ باسشىسىسىز. سٸزدٸڭ دە مەن سەكٸلدٸ نەمەرەلەرٸڭٸز بار شىعار. ولاردىڭ قالاۋىن ەردايىم ورىندايتىن شىعارسىز. مەن ٶزٸمدٸ سٸزدٸڭ نەمەرەڭٸزبٸن دەپ بٸلەمٸن. قارعا تامىرلى قازاقتىڭ بەرٸ بٸر-بٸرٸمەن تۋىس ەمەس پە?
«ەر بالا باقىتتى بولۋ ٷشٸن جارالادى» دەيدٸ عوي ٷلكەندەر. «مەن باقىتسىزبىن» دەي المايمىن. «باقىتتىمىن» دەۋگە دە اۋزىم بارمايدى. ەل قاتارلى بولۋدى عانا ارماندايمىن. بۇل مەنٸڭ عانا ەمەس, باۋىرلارىمنىڭ, ەكە-شەشەمنٸڭ, بارلىعى ون ادامنىڭ ٷشبۋ حاتى دەپ قابىلداعايسىز.
الدىمەن سٸزدٸ ٶزٸمنٸڭ وتباسىممەن تانىستىرايىن.
مٸنە, مىناۋ مەنٸڭ وتباسىم. الماتى وبلىسى, تالعار اۋدانى, كەڭدالا اۋىلىندا بٸرەۋدٸڭ قابىرعاسى كٶگەرگەن, سىز ٷيٸن جالعا الىپ كٷنەلتٸپ جاتىرمىز.
مىنا جٸگٸتتٸڭ اتى – باقىتجان تۇرسىنعاليۇلى. توعىزىنشى سىنىپ وقۋشىسى. مەنٸڭ ەڭ ٷلكەن اعام. بولاشاقتا ورازالى دوسبوسىنوۆ سەكٸلدٸ ايتىسكەر اقىن بولۋدى ارماندايدى.
بۇل – ەكٸنشٸ اعام. اتى – باۋىرجان تۇرسىنعاليۇلى. جەتٸنشٸ سىنىپتا وقيدى. باۋىرجان مومىشۇلى سەكٸلدٸ باتىر بولسىن دەپ, ەكە-شەشەم اتىن باۋىرجان دەپ قويعان. ٷش ايدان بەرٸ بوكس ٷيٸرمەسٸنە قاتىسىپ جٷر. جۋىردا ەسٸك قالاسىندا ٶتكەن جارىستا ٷشٸنشٸ ورىن الدى. بولاشاقتا قانات ٸسلەم سەكٸلدٸ ەلەمدٸ مويىنداتقان بىلعارى قولعاپ شەبەرٸ اتانعىسى كەلەدٸ.
ٷشٸنشٸ اعام قايسار تۇرسىنعاليۇلى تٶرتٸنشٸ سىنىپتىڭ وقۋشىسى. بٸزدٸڭ ٷيدەگٸ ساباقتى ٶتە جاقسى وقيتىن بالا – وسى قايسار. وقىمىستى. «ساباققا دايىندالاتىن كەڭ بٶلمەم بولسا عوي» دەپ قييالدايدى. ساباق ٷلگەرٸمٸ – ٶتە جاقسى. «عالىم بولامىن» دەيدٸ.
كەيدە سۋرەتشٸ بولعىسى كەلٸپ, مىنانداي سۋرەتتەر سالادى. مىناۋ «ٶز ٷيٸمٸز بولسا عوي» دەگەن سۋرەتٸ.
تٶرتٸنشٸ اعام ميراس تۇرسىنعاليۇلى «دەرٸگەر بولام» دەيدٸ. قازٸر ەكٸنشٸ سىنىپتا وقىپ جٷر. تۇرىپ جاتقان ٷيٸمٸز سىز بولعاندىقتان جيٸ اۋىرامىز. ەكە-شەشەم ونداي كەزدە ەمحانانىڭ تابالدىرىعىن توزدىرادى. ميراس سول ٷشٸن دە دەرٸگەر بولعىسى كەلەدٸ. كەيدە «دەرٸگەر بولىپ, بالالاردى ەمدەپ, كٶپ اقشا تابامىن. سوسىن باي بولىپ, بٸز سەكٸلدٸ ٷيٸ جوق ادامدارعا مىنانداي ٷي سالىپ بەرەمٸن» دەيدٸ.
بەسٸنشٸ اعامنىڭ اتى – دامير تۇرسىنعاليۇلى. جاسى التىدا. ەلٸ مەكتەپكە بارعان جوق. قۇداي قالاسا, كەلەر وقۋ جىلىندا بٸرٸنشٸ سىنىپقا بارادى. ول مەنٸڭشە, اسپاز بولادى. اناما قولقابىس جاساپ, ىلعي دا اس بٶلمەدە جٷرەدٸ. مٸنە, ول تاعى دا بٸزدٸڭ اس بٶلمەدە جٷر.
التىنشى اعامنىڭ ەسٸمٸ – دۋمان تۇرسىنعاليۇلى. جاسى بەستە. اعالارىمنىڭ ٸشٸندەگٸ ەڭ بۇزىعى وسى. مىنا مەشينەگە مٸنٸپ الىپ, بٸزگە بٸر تىنىم بەرمەيدٸ. تٷبٸ مىقتى شوپىر بولاتىن شىعار. ٷيٸمٸزدە وينايتىن جەر تار بولعاندىقتان كەيدە اياعىمدى, كەيدە قولىمدى باسىپ كەتٸپ, مەنٸ جىلاتىپ قويادى.
جەتٸنشٸ اعامنىڭ اتى دٸنمۇحاممەد تۇرسىنعاليۇلى. «دٸنمۇحاممەد قوناەۆ سەكٸلدٸ ەل باسقارادى» دەيدٸ ەكەم. كٸم بٸلسٸن, ول كٷنگە دە جەتەرمٸز.
ەندٸ مەن جايلى.
مەنٸ قويا تۇرالىق. اماندىق اتا, سٸز الدىمەن مەنٸڭ ەكە-شەشەممەن تانىسىپ الىڭىز.
انام گٷلميرا سەگٸز ۇلعا جارىق دٷنيە سىيلاعان – باتىر انا! قازاقتىڭ سانىن كٶبەيتۋگە قوماقتى ٷلەس قوسقان «التىن القا» يەگەرٸ.
مىناۋ مەنٸڭ ەكەم – تۇرسىنعالي قاباقوۆ. بٸزدٸ ەشكٸمنەن كەم قىلماي ٶسٸرٸپ جاتقان – باتىر ەكە.
ەكەمنٸڭ قولىندا وتىرعان – مەنمٸن! اتىم – نۇرتٸلەۋ. قۇداي بۇيىرتسا, نۇرتٸلەۋ يمانعاليۇلى سەكٸلدٸ مىقتى جۋرناليست بولامىن. بٸراق, وعان دەيٸن قايدا? قازٸر جاسىم ەلٸ بٸرگە تولعان جوق.
اماندىق اتا, سٸز بٸزدٸڭ وتباسىمەن تولىق تانىستىڭىز. بٸز ەشكٸمگە الاقان جايمايتىن, الاقان جايۋدى نامىس دەپ بٸلەتٸن وتباسى ەدٸك. ەكەم مەن شەشەم ٶز كٷشٸمەن ٷي سالىپ الۋ ٷشٸن نەشە رەت تالعار اۋدانىنا بارىپ, جەر سۇرادى.
دەلەل مٸنە! بٸز جەر كەزەگٸندە 1036 ادام بولىپ تۇرمىز. بۇل كەزەكتٸڭ جىلجيتىن تٷرٸ جوق.
جەر كەزەگٸ كەلمەگەن سوڭ, شەشەم كٶپ بالالى انا رەتٸندە جالعا بەرٸلەتٸن تۇرعىن ٷي كەزەگٸنە جازىلدى. ونى الۋدىڭ دا ۋاقىتى ەزٸر كەلەتٸن تٷرٸ بايقالمايدى.
ەندٸ مٸنە, قابىرعاسى كٶكەرگەن, ەدەنٸ سىز بٸر ٷيدٸ وتباسىمىزبەن جالعا الىپ كٷن كٶرٸپ جاتىرمىز. بۇعان دەيٸن بٸز بٸرنەشە پەتەردٸ جالداپ تۇردىق. كٶشە-كٶشە شارشادىق, اتا! بٸز سەكٸلدٸ كٶپ بالاسى بار وتباسىعا ەشكٸم ٷيٸن جالعا بەرگٸسٸ كەلمەيدٸ. ەيتپەسە, مىنا ٷيدە بٸر كٷن تۇرماي كٶشٸپ كەتەر ەدٸك.
اماندىق اتا! اقىر باستادىم, بەرٸن ايتايىن. بٸزدٸڭ وتباسىلىق بيۋدجەتٸمٸز 65 مىڭ تەڭگە. انام «التىن القاسى» ٷشٸن ايىنا 13 575 تەڭگە الادى. مەنٸڭ بٸر جاسقا دەيٸنگٸ جٶرگەكپۇلىم 18 800 تەڭگە (بۇل جاقىندا توقتايدى). ەر ٷش اي cايىن جەردەماقى رەتٸندە 17 800 تەڭگەنٸ مەملەكەت بەرەدٸ.
ەكەمنٸڭ ايلىعى بۇرىن 49 مىڭ تەڭگە ەدٸ. قازٸر داعدارىس دەپ جالاقىسى قىسقارىپ قالدى. قولىنا الاتىن اقشاسى – 35 مىڭ.
ەندٸ ٶزٸڭٸز ەسەپتەڭٸزشٸ. وسى 65 مىڭنىڭ 15 مىڭى پەتەراقىعا, 5 مىڭى سۋ مەن جارىققا كەتەدٸ. سوندا, ون ادام 40 مىڭمەن ٶمٸر سٷرٸپ جاتىرمىز دەگەن سٶز.
قۇرمەتتٸ اماندىق اتا! مەنٸڭ وسى حاتىمدى وقىساڭىز بٸزگە كٶمەك كٶرسەتٸڭٸزشٸ. ٶتٸنەمٸن! سٸزدٸ ٸسكەر, قايىرىمدى باسشى دەپ بٸلەمٸن. نۇرتٸلەۋ يمانعاليۇلى ايتپاقشى بٸز دە «باي قۋاتتى بولايىق»!
سەلەمنەن - مەن (سۋرەتتەگٸ) نۇرتٸلەۋ تۇرسىنعاليۇلى!
Abai.kz
