مەجٸلٸس دەپۋتاتى ٷنزيلا شاپاق پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆكە ماڭىزدى ساۋال جولداپ, Roblox ويىنىن شەكتەۋدٸ ۇسىندى, دەپ حابارلايدى Dalanews.kz.
"قازٸر ينتەرنەت پەن ونلاين ويىن پلاتفورمالارى بالالار مەن جاسٶسپٸرٸمدەردٸڭ كٷندەلٸكتٸ ٶمٸرٸنٸڭ اجىراماس بٶلٸگٸنە اينالدى. سولاردىڭ بٸرٸ – Roblox ونلاين پلاتفورماسى. Roblox سٶزٸن بٸلمەيتٸن بالا جوق. بۇل - پايدالانۋشىلارعا ٶز ويىندارىن قۇرۋعا, ۆيرتۋالدى ەلەمدەردە قارىم-قاتىناس جاساۋعا جەنە باسقا ويىنشىلارمەن تٸكەلەي بايلانىس ورناتۋعا مٷمكٸندٸك بەرەتٸن حالىقارالىق پلاتفورما", - دەدٸ ول.
دەپۋتات كەلتٸرگەن 2025 جىلعى اشىق دەرەككٶزگە سەيكەس Roblox پلاتفورماسىنا كٸرەتٸن كٷندەلٸكتٸ بەلسەندٸ قولدانۋشىلار سانى 150 ميلليونعا جۋىق. پايدالانۋشىلاردىڭ باسىم بٶلٸگٸ - كەمەلەتكە تولماعان بالالار مەن جاسٶسپٸرٸمدەر.
"اتا-انالار, پەداگوگتەر جەنە حالىقارالىق ساراپشىلار تاراپىنان Roblox ويىنىنىڭ بالالار پسيحيكاسىنا كەرٸ ەسەر ەتۋٸ مٷمكٸن ەكەنٸ تۋرالى الاڭداۋشىلىق جيٸ كٶتەرٸلٸپ وتىر. اتاپ ايتقاندا, ۆيرتۋالدى تەۋەلدٸلٸك, اگرەسسيۆتٸ مٸنەز-قۇلىق, شىنايى ٶمٸردەن الشاقتاۋ, سونداي-اق, جاس ەرەكشەلٸگٸنە ساي كەلمەيتٸن كونتەنتپەن بەتپە-بەت كەلۋ فاكتٸلەرٸ كەزدەسەدٸ", - دەدٸ دەپۋتات.
ٷنزيلا شاپاق بۇعان دەيٸن مەدەنيەت جەنە اقپارات ۆيتسە-مينيسترٸ ەۆگەنيي كوچەتوۆ "Roblox-تى بلوكتاۋ نەمەسە شەكتەۋ مەسەلەسٸن قاراستىرمايمىز" دەگەنٸن ەسكە سالدى.
"Roblox پلاتفورماسىنىڭ بالالار قاۋٸپسٸزدٸگٸنە, ولاردىڭ پسيحولوگييالىق دامۋىنا ەسەرٸنە بايلانىستى بٸرقاتار مەملەكەت قاتاڭ شارالار قابىلداپ جاتىر. تٷركييا, كاتار, رەسەي, قىتاي, يران, سولتٷستٸك كورەيا جەنە باسقا دا مەملەكەتتەردە بۇل پلاتفورما بۇعاتتالدى. ال قازاقستاندا نە سەبەپتٸ ەلٸ كٷنگە دەيٸن بۇل پلاتفورماعا شەكتەۋ نەمەسە تەرەڭ ساراپتامالىق باعالاۋ جٷرگٸزٸلمەي وتىرعانى تٷسٸنٸكسٸز كٷيٸندە قالىپ وتىر", - دەدٸ ول.
