جەتىساي اۋدانىنىڭ جۇرتشىلىعى دا رەسپۋبليكا كۇنىن جوعارى دارەجەدە اتاپ ءوتتى. سالتاناتتى مەرەكە اياسىندا قاراقاي اۋىلدىق وكرۋگىنە قاراستى ساتپايەۆ ەلدى مەكەنىندەگى مادەنيەت جانە سپورت كەشەنى پايدالانۋعا بەرىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
1986 جىلى قولدانىسقا بەرىلگەلى جوندەۋ كورمەگەن مادەنيەت ءۇيىنىڭ كۇردەلى جوندەۋ جۇمىستارى وتكەن جىلدىڭ مامىر ايىندا باستالىپ، 2679،1 شارشى مەتر اۋماققا جۇرگىزىلگەن جوندەۋ جۇمىستارىنىڭ جالپى قۇنى 691 ملن. 445 مىڭ تەڭگەنى قۇراعان.
وندىرىستىك كەستەگە مايكەس كەلەسى جىلى قولدانىسقا بەرىلۋى ءتيىس بولعان مادەنيەت ءۇيىن «نامىس» ج ش س مەردىگەر مەكەمەسى بيىل اياقتاپ، ەل يگىلىگىنە تاپسىرىپ وتىر. جاڭارتىلعان كەشەندە مادەنيەت ءۇيىنىڭ قىزمەتكەرلەرىمەن قاتار اۋىلدىق كىتاپحانا، سپورتتىڭ ۆولەيبول، فۋتبول جانە شاحمات، توعىزقۇمالاق، بوكس پەن قازاق، ەركىن كۇرەس، ءان، كۇي، بي ۇيىرمەلەرى جۇمىس ىستەيتىن بولادى.
اۋدان اكىمى مادەنيەت ءۇيىن ارالاپ، جۇمىسىمەن تانىسىپ، ۇيىرمەلەردىڭ قاتىسۋشىلارىمەن تىلدەستى.
قولونەر بۇيىمدارى مەن كىتاپ، سۋرەت كورمەسى جۇرتشىلىق نازارىنا ۇسىنىلعان مەرەكەلىك شاراعا اۋدان اكىمى سەرىك مامىتوۆ پەن اۋداندىق ءماسليحات ءتوراعاسى مەدەت قاسىموۆ، «AMANAT» پارتياسى جەتىساي اۋداندىق فيليالىنىڭ اتقارۋشى حاتشىسى، ەڭبەك ارداگەرلەرى مەن جەرگىلىكتى تۇرعىندار، قۇقىق قورعاۋ ورگاندارىنىڭ وكىلدەرى مەن جەرگىلىكتى ءماسليحات دەپۋتاتتارى، ب ا ق پەن زيالى قاۋىم وكىلدەرى، سان سالانىڭ ۇزدىكتەرى قاتىستى.
اتالعان ءىس-شارادا اۋدان اكىمى سەرىك مامىتوۆ اۋدان تۇرعىندارى مەن قوناقتارىن رەسپۋبليكا كۇنىمەن قۇتتىقتادى. سونىمەن قاتار الەۋمەتتىك-ەكونوميكالىق دامۋىنا سۇبەلى ۇلەس قوسىپ جۇرگەن ءبىرقاتار جاندار ماراپاتتالدى.
مەملەكەتتىك تاريحىمىزدىڭ مەرەيلى مەرەكەسى بولعان رەسپۋبليكا كۇنى مەرەكەسىنىڭ سالتاناتتى بولىمىنەن سوڭ اۋدان ونەرپازدارىنىڭ مەرەكەلىك كونسەرتتىك باعدارلاماسى كوپشىلىككە كوتەرىڭكى كوڭىل-كۇي سىيلادى. اننەن شاشۋ شاشىلىپ، كۇمبىرلەگەن كۇي جەتىساي اسپانىن ۇلتتىق قۇندىلىقتارمەن كومكەردى.
