قازاقستان پرەزيدەنتٸ قاسىم-جومارت توقاەۆ رەسەيدەگٸ تەراكتٸگە بايلانىستى قاۋٸپسٸزدٸك كەڭەسٸنٸڭ جەدەل وتىرىسىن ٶتكٸزدٸ, دەپ حابارلايدى Dalanews.kz.
“پرەزيدەنت قاسىم-جومارت توقاەۆتىڭ تٶراعالىعىمەن قازاقستان رەسپۋبليكاسى قاۋٸپسٸزدٸك كەڭەسٸنٸڭ جەدەل وتىرىسى ٶتتٸ. مەسكەۋ ماڭىنداعى بەيبٸت تۇرعىندارعا جاسالعان زورلىق-زومبىلىق ەرەكەتتەرٸن تاعى دا ايىپتاي وتىرىپ, مەملەكەت باسشىسى تەرروريزمگە قارسى كٷرەستە قازاقستاننىڭ رەسەيمەن ىنتىماقتاستىعىن قۋاتتادى” دەلٸنگەن سەنبٸدە جارييالانعان اقوردا حابارلاماسىندا.
شارا بارىسىندا قۇقىق قورعاۋ ورگاندارى مەن جەرگٸلٸكتٸ اتقارۋشى ورگانداردىڭ جۇمىس جوسپارلارى, سونداي-اق تٶتەنشە جاعدايلاردا ولاردىڭ قىزمەتٸن ٷيلەستٸرۋ مەسەلەلەرٸ قارالدى.
“مەملەكەت باسشىسى ەلٸمٸزدٸڭ ازاماتتارىنىڭ قاۋٸپسٸزدٸگٸن قامتاماسىز ەتۋ جەنە تەرروريزمگە قارسى ٸس-قيمىل ماقساتىندا قازاقستاننىڭ باسقا مەملەكەتتەرمەن جەنە حالىقارالىق ۇيىمدارمەن ٶزارا ٸس-قيمىلىن قامتاماسىز ەتۋ جٶنٸندەگٸ شارالاردى كٷشەيتۋگە باعىتتالعان تاپسىرمالار بەردٸ” دەپ تولىقتىردى اقوردا.
ەستەرٸڭٸزگە سالا كەتەيٸك, 22 ناۋرىز كٷنٸ كەشكە رەسەيدٸڭ كروكۋس سيتي حوللىندا بەلگٸسٸز بٸرەۋلەر ٸرٸ تەراكت جاساعان بولاتىن. سوڭعى مەلٸمەتتەر بويىنشا, لاڭكەستٸك ەرەكەت سالدارىنان 115 ادام قازا تاپتى, ونىڭ ٸشٸندە بٸرنەشە بالا بار. قازاقستاننىڭ سىرتقى ٸستەر مينيسترلٸگٸنٸڭ مەلٸمەتٸنشە, مەسكەۋدەگٸ تەراكتٸدە قازا تاپقاندار مەن زارداپ شەككەن قازاقستاندىقتار تۋرالى اقپارات جوق.
