Qazaqstan Prezidenti Qasym-Jomart Toqaev Reseidegi teraktige bailanysty Qaýipsizdik keńesiniń jedel otyrysyn ótkizdi, dep habarlaidy Dalanews.kz.
“Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń jedel otyrysy ótti. Máskeý mańyndaǵy beibit turǵyndarǵa jasalǵan zorlyq-zombylyq áreketterin taǵy da aiyptai otyryp, memleket basshysy terrorizmge qarsy kúreste Qazaqstannyń Reseimen yntymaqtastyǵyn qýattady” delingen senbide jariialanǵan Aqorda habarlamasynda.
Shara barysynda quqyq qorǵaý organdary men jergilikti atqarýshy organdardyń jumys josparlary, sondai-aq tótenshe jaǵdailarda olardyń qyzmetin úilestirý máseleleri qaraldy.
“Memleket basshysy elimizdiń azamattarynyń qaýipsizdigin qamtamasyz etý jáne terrorizmge qarsy is-qimyl maqsatynda Qazaqstannyń basqa memlekettermen jáne halyqaralyq uiymdarmen ózara is-qimylyn qamtamasyz etý jónindegi sharalardy kúsheitýge baǵyttalǵan tapsyrmalar berdi” dep tolyqtyrdy Aqorda.
Esterińizge sala keteiik, 22 naýryz kúni keshke Reseidiń Krokýs Siti Hollynda belgisiz bireýler iri terakt jasaǵan bolatyn. Sońǵy málimetter boiynsha, lańkestik áreket saldarynan 115 adam qaza tapty, onyń ishinde birneshe bala bar. Qazaqstannyń Syrtqy ister ministrliginiń málimetinshe, Máskeýdegi teraktide qaza tapqandar men zardap shekken qazaqstandyqtar týraly aqparat joq.
