جەتٸ قازاقستاندىق رەسەيدٸڭ سامارا قالاسى ماڭىندا جول اپاتىنا تٷستٸ. ولار ورال اۋرۋحانالارىنا جەتكٸزٸلدٸ, دەپ حابارلايدى Dalanews.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, «سامارا – بولشايا چەرنيگوۆكا» تاس جولىندا (رف سامارا وبلىسى) اۆتوموبيل اپاتىنان زارداپ شەككەن قازاقستاننىڭ التى ازاماتى, ونىڭ ٸشٸندە ەكٸ بالا بٷگٸندە 6 بٸرلٸك سانيتارييالىق اۆتوكٶلٸكتٸڭ كٶمەگٸمەن ورال مەديتسينالىق مەكەمەلەرٸنە تاسىمالداندى. تاعى بٸر زارداپ شەككەن قازاقستاندىقتى تج دەپارتامەنتٸنٸڭ بريگاداسى جەتكٸزدٸ.
رەسەي اۋماعىندا قازاقستاندىق ازاماتتار جول اپاتىنا تٷسكەننەن كەيٸن وقيعا ورنىنا شۇعىل تٷردە التى جەدەل جەردەم بريگاداسى جولعا شىقتى.
زاقىمدار مەن جاراقاتتاردىڭ اۋىرلىعىن ەسكەرە وتىرىپ, شۇعىل مەديتسينالىق كٶمەك كٶرسەتۋ ٷشٸن بريگادالاردىڭ قۇرامىندا بالالار مەن ەرەسەكتەر تراۆماتولوگتارى, حيرۋرگتار, نەيروحيرۋرگ, رەانيماتولوگ, 6 فەلدشەر بولدى.
اپاتتان زارداپ شەككەندەردە ميدىڭ شايقالۋى, اياق-قولداردىڭ, جامباس سٷيەكتەرٸنٸڭ, ومىرتقانىڭ سىنۋى, كٶگەرۋ, گەماتوما جەنە ورتاشا اۋىرلىق دەرەجەسٸندەگٸ كٶپتەگەن جاراقاتتار تٸركەلدٸ.
بٷگٸن تاڭەرتەڭ ەرتە زارداپ شەككەن 5 ەرەسەك ادام ورال قالالىق كٶپبەيٸندٸ اۋرۋحاناسىنا, 2 بالا وبلىستىق كٶپبەيٸندٸ بالالار اۋرۋحاناسىنا ەمدەۋگە جاتقىزىلدى, وندا ولارعا مەديتسينالىق كٶمەكتٸڭ تولىق كٶلەمٸ كٶرسەتٸلەدٸ.
بريگادالاردىڭ تاسىمالداۋى بارىسىندا پاتسيەنتتەردٸڭ جاي-كٷيٸنٸڭ ناشارلاۋىنا جول بەرٸلگەن جوق.
