رەسەي بۇۇ قاۋٸپسٸزدٸك كەڭەسٸنٸڭ سيريياداعى باشار اساد رەجيمٸنٸڭ حيمييالىق قارۋ قولدانعانىن ايىپتايتىن قارارىنا ۆەتو قويدى. رەسەي قاۋٸپسٸزدٸك كەڭەسٸنٸڭ تۇراقتى مٷشەسٸ بولعاندىقتان, باتىس ەلدەرٸ ۇسىنعان قارار جوباسى ٶتپەي قالدى.
قارار سيرييا بيلٸگٸنەن وقيعا بولعان كٷنٸ جاسالعان بارلىق ەۋە وپەراتسييالارى تۋرالى مەلٸمەت بەرۋٸن تالاپ ەتەدٸ. باتىس ەلدەرٸ دايىنداعان قۇجاتتى قابىلداۋعا قاجەتتٸ ون داۋىس جينالدى. سوعان بايلانىستى رەسەي ٶكٸلٸ ۆلاديمير سافرونكوۆ ۆەتو قويدى. رەسەي باشار اساد جٷيەسٸنٸڭ سيريياداعى ەرەكەتتەرٸن سىنايتىن قارارعا وسىمەن جەتٸنشٸ مەرتە ۆەتو قولدانىپ وتىر.
قۇجاتقا قاۋٸپسٸزدٸك كەڭەسٸنٸڭ ون مٷشەسٸ قولداپ داۋىس بەردٸ, ەكەۋٸ (رەسەي جەنە بوليۆييا) قارسى شىقتى, ٷشەۋٸ, سولاردىڭ ٸشٸندە قىتاي قالىس قالدى.
رەسەي حيمييالىق قارۋدى سيرييا وپپوزيتسيياسى قولداندى دەپ ەسەپتەيدٸ. بٸراق اقش ەسكەري قىلمىستى اساد جٷيەسٸ جاساعانىن دەلەلدەيتٸن ايعاقتار بار دەپ وتىر.
