Reseı BUU Qaýipsizdik Keńesiniń Sırıadaǵy Bashar Asad rejıminiń hımıalyq qarý qoldanǵanyn aıyptaıtyn qararyna veto qoıdy. Reseı Qaýipsizdik keńesiniń turaqty múshesi bolǵandyqtan, batys elderi usynǵan qarar jobasy ótpeı qaldy.
Qarar Sırıa bıliginen oqıǵa bolǵan kúni jasalǵan barlyq áýe operasıalary týraly málimet berýin talap etedi. Batys elderi daıyndaǵan qujatty qabyldaýǵa qajetti on daýys jınaldy. Soǵan baılanysty Reseı ókili Vladımır Safronkov veto qoıdy. Reseı Bashar Asad júıesiniń Sırıadaǵy áreketterin synaıtyn qararǵa osymen jetinshi márte veto qoldanyp otyr.
Qujatqa Qaýipsizdik keńesiniń on múshesi qoldap daýys berdi, ekeýi (Reseı jáne Bolıvıa) qarsy shyqty, úsheýi, solardyń ishinde Qytaı qalys qaldy.
Reseı hımıalyq qarýdy Sırıa opozısıasy qoldandy dep esepteıdi. Biraq AQSH áskerı qylmysty Asad júıesi jasaǵanyn dáleldeıtin aıǵaqtar bar dep otyr.
