دٷنيەجٷزٸلٸك دەنساۋلىق ساقتاۋ ۇيىمى (ددۇ) رەسەيدەن سٸبٸردە تٸركەلدٸ دەلٸنگەن ٶكپە وباسىنىڭ ىقتيمال ەكٸنشٸ جاعدايىنا قاتىستى قوسىمشا مەلٸمەت بەرۋدٸ سۇرادى, دەپ حابارلايدى dalanews.kz.
رەسەي بيلٸگٸ بۇقارالىق اقپارات قۇرالدارىندا تاراعان ٶكپە وباسىنىڭ ەكٸنشٸ جاعدايى تۋرالى حابارلامالاردى جوققا شىعاردى. سونىمەن قاتار ددۇ مەسكەۋدٸ بۇل مەسەلەگە قاتىستى رەسمي تٷسٸنٸكتەمە بەرۋگە شاقىردى. كرەملدٸڭ باسپاسٶز حاتشىسى دميتريي پەسكوۆ جۋرناليستەرگە بەرگەن مەلٸمدەمەسٸندە اتالعان جاعداي جٶنٸندە تاراعان اقپاراتتاردىڭ باسىم بٶلٸگٸ شىندىققا سەيكەس كەلمەيتٸنٸن ايتتى.
ونىڭ سٶزٸنشە, مۇنداي جاعدايلار تۋرالى مەلٸمەتتٸ رەسەيدٸڭ سانيتارلىق قاداعالاۋ قىزمەتٸ – روسپوترەبنادزوردىڭ رەسمي حابارلامالارىنان الۋ قاجەت. ال ددۇ باس ديرەكتورى تەدروس ادحانوم گەبرەيەسۋس يركۋتسكٸدەگٸ عىلىمي ينستيتۋتتا بەلگٸسٸز سەبەپتەن پنەۆمونيياعا شالدىققان ەكٸنشٸ قىزمەتكەر تۋرالى اقپاراتقا تٷسٸنٸك بەرۋدٸ سۇرادى.
«بۇل تۋرالى ەكٸ بۇقارالىق اقپارات قۇرالى حابارلادى, ولاردىڭ بٸرٸ – رەسەيدٸڭ باسىلىمى. بٸز رەسەيدەن وسى مەسەلەگە قاتىستى جاۋاپ بەرۋدٸ سۇرادىق», – دەدٸ ول سەرسەنبٸ كٷنٸ ٶتكەن بريفينگتە.
تەدروس ۇيىمعا كەلٸپ تٷسكەن مۇنداي حابارلامالاردى نازاردان تىس قالدىرۋعا بولمايتىنىن اتاپ ٶتتٸ. ال ددۇ-نىڭ ەپيدەمييالار مەن پاندەمييالار جٶنٸندەگٸ ديرەكتورى مارييا ۆان كەركحوۆە العاشقى بولجامدى جاعداي بويىنشا قايتىس بولعان ادامنىڭ ناقتى قانداي قوزدىرعىشتان كٶز جۇمعانى ەزٸرگە بەلگٸسٸز ەكەنٸن مەلٸمدەدٸ.
بۇعان دەيٸن بٸرقاتار حالىقارالىق باق سٸبٸردەگٸ عىلىمي مەكەمەدە ٶكپە وباسىنا ۇقساس بەلگٸلەرٸ بار قىزمەتكەرلەر انىقتالعانى تۋرالى حابارلاعان بولاتىن. الايدا رەسەي بيلٸگٸ بۇل اقپاراتتاردى راستامادى.
