رەسەيدٸڭ "روسكوسموس" مەملەكەتتٸك كورپوراتسيياسى 2036 جىلعا دەيٸن اي بەتٸندە اتوم ەلەكتر ستانتسيياسىن (اەس) سالۋدى جوسپارلاپ وتىر. بۇل تۋرالى رەسەي پرەزيدەنتٸنٸڭ عارىش قىزمەتٸ سالاسىنداعى مەملەكەتتٸك ساياساتتىڭ 2036 جىلعا دەيٸنگٸ جەنە ودان كەيٸنگٸ كەزەڭگە ارنالعان جوباسىندا ايتىلعان, دەپ حابارلايدى dalanews.kz.
ايداعى ينفراقۇرىلىمعا ەنەرگييا بەرەدٸ
قۇجاتقا سەيكەس, اتوم ەلەكتر ستانتسيياسى رەسەيدٸڭ اي باعدارلاماسى مەن حالىقارالىق ىنتىماقتاستىق جوبالارى اياسىندا ايداعى ينفراقۇرىلىمدى ەنەرگييامەن قامتاماسىز ەتۋ ٷشٸن سالىنادى. سونىمەن قاتار, "روسكوسموس" 2036 جىلدان كەيٸن يادرولىق ەنەرگەتيكالىق قوندىرعىلارمەن جۇمىس ٸستەيتٸن عارىشتىق كٶلٸك قۇرالدارىن جاساپ, ولاردى وربيتاعا شىعارۋدى جوسپارلاپ وتىر.
اي توپىراعىن جەرگە جەتكٸزۋ كٶزدەلگەن
جوباعا سەيكەس, 2036 جىلعا دەيٸنگٸ نەگٸزگٸ باسىمدىقتاردىڭ بٸرٸ – ايدى اۆتوماتتاندىرىلعان عارىش اپپاراتتارىنىڭ كٶمەگٸمەن زەرتتەۋ جەنە ونىڭ توپىراق ٷلگٸلەرٸن جەرگە جەتكٸزۋ. سونداي-اق وسى كەزەڭدە حالىقارالىق عارىش ستانتسيياسىنىڭ قاۋٸپسٸز جۇمىسىن قامتاماسىز ەتٸپ, ونىڭ ميسسيياسىن اياقتاۋ جەنە رەسەيدٸڭ جاڭا وربيتالىق ستانتسيياسىن ورنالاستىرۋ جۇمىستارى جٷرگٸزٸلەدٸ.
جەردٸ باقىلايتىن سپۋتنيكتەر كٶبەيەدٸ
"روسكوسموس" الداعى جىلدارى جەردٸ قاشىقتان زوندتايتىن سپۋتنيكتەر سانىن بٸرنەشە ەسە ارتتىرۋدى كٶزدەپ وتىر. بۇدان بٶلەك, تٶمەن وربيتادا كەڭ جولاقتى بايلانىس قىزمەتٸن كٶرسەتەتٸن كٶپسەرٸكتٸ سپۋتنيكتٸك توپتاما قۇرۋ جوسپارى دا قاراستىرىلعان.
اي مەن استەرويدتاردىڭ رەسۋرستارى يگەرٸلەدٸ
قۇجاتتا 2036 جىلدان كەيٸن اي مەن استەرويدتاردىڭ تابيعي رەسۋرستارىن ٸزدەۋ جەنە يگەرۋ باستالاتىنى جازىلعان. سونداي-اق رەسەيدٸڭ وربيتالىق ستانتسيياسىن عىلىمي جەنە قولدانبالى زەرتتەۋلەر جٷرگٸزۋگە پايدالانۋ جوسپارلانعان. بۇدان بٶلەك, رەسەي حالىقارالىق عىلىمي اي ستانتسيياسىن قۇرۋ جوباسىنا قاتىسىپ, رەسەي مەن قىتايدىڭ اي مەن الىس عارىشتى زەرتتەۋگە ارنالعان بٸرلەسكەن دەرەكتەر ورتالىعىنىڭ رەسەيلٸك سەگمەنتٸن دامىتۋدى كٶزدەيدٸ.
سونىمەن قاتار "روسكوسموس" استروفيزيكالىق نىساندار مەن عارىشتىق سەۋلەلەردٸ زەرتتەۋدٸ جالعاستىرىپ, پيلوتتىق عارىش باعدارلامالارىنىڭ قولدانبالى مٷمكٸندٸكتەرٸن كەڭەيتۋدٸ جەنە جەردٸڭ تٶمەنگٸ وربيتاسىنداعى عىلىمي جۇمىستاردى جالعاستىرۋدى جوسپارلاپ وتىر.
