ءوز ۋچاسكەڭىزدى «جسن بويىنشا داۋىس بەرۋ ءۇشىن ۋچاسكەنى ىزدەۋ» سەرۆيسى تابا الاسىز. بۇل سەرۆيس كەلەسى 3 اقپاراتتىق رەسۋرس ارقىلى جۇمىس ىستەيدى:

• https://www.gov.kz/referendum؛


• https://referendum.gov.kz/؛


• https://referendumgov.kz/

قازاقستان ازاماتى جسن ارقىلى رەفەرەندۋمنىڭ ءوز ۋچاسكەسىن تابا الادى. ۋچاسكە بولماعان جاعدايدا اۆتوماتتى تۇردە اكىمدىكتەردىڭ call-ورتالىقتارىنىڭ تىزىمدەرى كورسەتىلەدى.

ەسەپتەن شىعارۋ كۋالىگى ارقىلى داۋىس بەرۋ ءۇشىن نە ىستەۋ كەرەك؟

ازامات ءوزىنىڭ جۇرگەن جەرىن اۋىستىرعان جاعدايدا، ول اعىمداعى جىلعى 20 مامىردان باستاپ 4 ماۋسىم ساعات 18.00-گە دەيىن ۋچاسكەلىك كوميسسياعا ءوتىنىش نەگىزىندە ەسەپتەن شىعارۋ كۋالىگىن الۋعا قۇقىلى.

ەسەپتەن شىعارۋ كۋالىگىن سەنىمحات نەگىزىندە الۋعا جول بەرىلەدى. بۇل رەتتە سەنىمحاتتى نوتاريالدى كۋالاندىرۋ مىندەتتى ەمەس.

ەسەپتەن شىعارۋ كۋالىگىن كورسەتكەن كەزدە ۋچاسكەلىك كوميسسيا داۋىس بەرۋ كۇنى ازاماتتى ونىڭ كەلگەن جەرى بويىنشا ۋچاسكەدەگى تىزىمگە ەنگىزەدى.

ەسەپتەن شىعارۋ كۋالىگى ءبىر ەلدى مەكەن شەگىندەگى باسقا ۋچاسكەدە داۋىس بەرۋگە قاتىسقىسى كەلەتىن ازاماتتارعا بەرىلمەيدى.