Óz ýchaskeńizdi «JSN boıynsha daýys berý úshin ýchaskeni izdeý» servısi taba alasyz. Bul servıs kelesi 3 aqparattyq resýrs arqyly jumys isteıdi:

• https://www.gov.kz/referendum;


• https://referendum.gov.kz/;


• https://referendumgov.kz/

Qazaqstan azamaty JSN arqyly referendýmnyń óz ýchaskesin taba alady. Ýchaske bolmaǵan jaǵdaıda avtomatty túrde ákimdikterdiń call-ortalyqtarynyń tizimderi kórsetiledi.

Esepten shyǵarý kýáligi arqyly daýys berý úshin ne isteý kerek?

Azamat óziniń júrgen jerin aýystyrǵan jaǵdaıda, ol aǵymdaǵy jylǵy 20 mamyrdan bastap 4 maýsym saǵat 18.00-ge deıin ýchaskelik komısıaǵa ótinish negizinde esepten shyǵarý kýáligin alýǵa quqyly.

Esepten shyǵarý kýáligin senimhat negizinde alýǵa jol beriledi. Bul rette senimhatty notarıaldy kýálandyrý mindetti emes.

Esepten shyǵarý kýáligin kórsetken kezde ýchaskelik komısıa daýys berý kúni azamatty onyń kelgen jeri boıynsha ýchaskedegi tizimge engizedi.

Esepten shyǵarý kýáligi bir eldi meken shegindegi basqa ýchaskede daýys berýge qatysqysy keletin azamattarǵa berilmeıdi.