قازاقستان مۇسىلماندارى ءدىني باسقارماسى 2026 جىلعا ارنالعان ءپىتىر ساداقا مولشەرىن جاريالادى، دەپ حابارلايدى Dalanews.kz.
باسقارما مالىمەتىنشە، ءپىتىر ساداقا مولشەرى - جان باسىنا 735 تەڭگە.
ەسكە سالايىق، بۇعان دەيىن قازاقستان مۇسىلماندارى ءدىني باسقارماسى بەكىتكەن رامازان ايىنىڭ كەستەسى جاريالاندى. بۇل تۋرالى بۇگىن ەلوردادا رامازان ايىنا وراي وتكەن ءتورالقا ماجىلىسىندە قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى مالىمدەدى.
"ءبىز تۇركى مەملەكەتتەرى ۇيىمىنا قاراستى مۇفتيلەر القاسى جانىنداعى ءپاتۋا كەڭەسىن جانە عىلىمي زەرتتەۋلەر ناتيجەسىن ەسكەرىپ، ورتاق شەشىم قابىلدادىق. اللا قالاسا، بيىل رامازان ايى 19 اقپاندا باستالادى. ال ناۋرىز ايىنىڭ 16-سىنان 17-سىنە قاراعان ءتۇن – قاسيەتتى ءقادىر ءتۇنى. 20 ناۋرىز – ورازا ايت مەرەكەسى"، - دەدى ناۋرىزباي قاجى تاعان ۇلى.
