2026 جىلدان باستاپ قۇنى 77 ملن 850 مىڭ تەڭگەدەن, ياعني 18 مىڭ اەك-تەن اساتىن جەڭٸل اۆتوكٶلٸك ساتىپ العان ازاماتتار مەمٸلە سوماسىنىڭ 10 پايىزى كٶلەمٸندە سالىق تٶلەۋگە مٸندەتتٸ. بۇل تۋرالى الماتى قالاسى بويىنشا مەملەكەتتٸك كٸرٸستەر دەپارتامەنتٸ مەلٸمدەدٸ, دەپ حابارلايدى dalanews.kz.
سالىق مٶلشەرلەمەسٸ كٶلٸكتٸڭ شەكتٸ باعادان قانشالىقتى قىمبات ەكەنٸنە قاراماستان, ساتىپ الۋ-ساتۋ شارتىندا كٶرسەتٸلگەن تولىق قۇنعا ەسەپتەلەدٸ. مەسەلەن, 80 ملن تەڭگەلٸك اۆتوكٶلٸك ٷشٸن 8 ملن تەڭگە, 100 ملن تەڭگەلٸك كٶلٸككە 10 ملن تەڭگە, ال 150 ملن تەڭگە تۇراتىن ماشيناعا 15 ملن تەڭگە سالىق تٶلەنەدٸ.
ۆەدومستۆونىڭ تٷسٸندٸرۋٸنشە, بۇل تٶلەم جىل سايىنعى كٶلٸك سالىعىن الماستىرمايدى. ول قىمبات اۆتوكٶلٸك ساتىپ الىنعان كەزدە بٸر رەت قانا تٶلەنەتٸن بٶلەك مٸندەتتەمە سانالادى.
ساتىپ الۋشى مەمٸلە جاسالعان ايدان كەيٸنگٸ ايدىڭ 20-سىنا دەيٸن سالىقتى تٶلەپ, 400.00 نىسانىنداعى دەكلاراتسييانى تاپسىرۋى كەرەك. بەلگٸلەنگەن مەرزٸم ٶتٸپ كەتكەن جاعدايدا ٶسٸمپۇل ەسەپتەلٸپ, كەيٸن بەرەشەكتٸ مەجبٷرلەپ ٶندٸرۋ شارالارى قولدانىلۋى مٷمكٸن.
سالىق مٸندەتتەمەسٸ تەك اۆتوكٶلٸكتٸ ساتىپ الۋ-ساتۋ كەزٸندە تۋىندايدى. ەگەر يەسٸ تيٸستٸ سالىقتى تٶلەگەننەن كەيٸن كٶلٸگٸن تۋىسىنا سىيعا تارتسا, ونى العان ادام قايتادان تٶلەمەيدٸ. ال ماشينا كەيٸن ساتىلعان جاعدايدا جاڭا ساتىپ الۋشى سالىقتى قايتا تٶلەۋگە مٸندەتتٸ. كٶلٸكتٸ باستاپقى باعاسىنان قىمباتقا ساتقان ازامات تابىسىن 270.00 نىسانى ارقىلى دەكلاراتسييالاۋى قاجەت.
