جاقىندا زەينەتكەر، "قۇرمەت" وردەنىنىڭ كاۆالەرى الماتى وبلىسى اكىمدىگىنىڭ جانىندا ءوزىن ورتەۋگە نيەتتى ەكەندىگى تۋرالى اقپارات شىقتى. ونىڭ ايتۋىنشا، اۋدان اكىمى مەن پروكۋرور ازاماتتىق بەلسەندىلەرگە قىسىم كورسەتىپ وتىر.

ال، اكىمدىك وكىلدەرى ايتۋىنشا، ازاماتتىڭ زاڭدى بەلدەن باسقانى انىقتالىپتى. بۇعان دەيىن "وگونەك" باۋ-باقشا شارۋاشىلىعىنىڭ ءتوراعاسى ن.ك.جارىلقاسىن، اقتاس ساياجايىنىڭ تۇرعىندارىنىڭ ۇجىمدىق ۇندەۋى نەگىزىندە "جان-ارۋ" جك-نىڭ قارىم-قاتىناسىنا ق ر ەكولوگيالىق زاڭناماسىنىڭ تالاپتارىن ساقتاۋ تۇرعىسىنان جوسپاردان تىس تەكسەرۋ جۇرگىزىلدى.

بەلگىلى بولعانداي "جان-ارۋ" جك قازاقستان رەسپۋبليكاسى ەكولوگيالىق كودەكسىنىڭ 76، 90-باپتارىندا، 350-بابىنىڭ 7-تارماعىندا جانە 206-بابىنىڭ 2-تارماعىندا كورسەتىلگەن زاڭ تالاپتارىنىڭ ساقتالماعانى انىقتالعان.

اتالعان شق باسشىسى زەينەتكەر، "قۇرمەت" وردەنىنىڭ كاۆالەرى ايجىگىتوۆ.

اۋداندىق پروكۋراتۋرا انىقتاۋ بارىسىندا جەر تەلىمىندە ب.س. ايجىگىتوۆ پەن ا. ب. ايجىگىتوۆ قۇم مەن قيىرشىق تاس قوسپاسىن زاڭسىز ءوندىرىپ وتىرعانى انىقتالعان.

الماتى وبلىستىق سوتىنىڭ 2022 جىلعى 15 اقپانداعى قاۋلىسىنا سايكەس تالعار اۋداندىق سوتىنىڭ 2021 جىلعى 15 جەلتوقسانداعى "جان-ارۋ" جك قاتىستى قاۋلىسى وزگەرتىلدى جانە 3 (ءۇش) اي مەرزىمگە تۇرمىستىق قالدىقتاردى قويماعا جيناۋ قىزمەتىن توقتاتا تۇرۋ تۇرىندە قوسىمشا جازا تاعايىنداعان. قاۋلى جاريا ەتىلگەن ساتتەن باستاپ زاڭدى كۇشىنە ەندى.



الماتى وبلىسى تالعار اۋداندىق ءماسليحاتىنىڭ VII شاقىرىلىمىنىڭ دەپۋتاتى ەرجان يگىبايەۆتىڭ ايتۋىنشا، «جان-ارۋ» جك قىزمەتىن توقتاتا تۇرۋ بويىنشا سوت شەشىمىنە قاراماستان، مەملەكەتتىك سوت ورىنداۋشىلارىنىڭ قاۋلىسىنا قايشى قوقىس قابىلداۋدى جالعاستىرعان.

[video width="480" height="848" mp4="https://dalanews.kz/wp-content/uploads/2022/04/WhatsApp-Video-2022-04-22-at-18.07.23.mp4"][/video]

- ايتجىگىتوۆكە قوقىس وڭدەۋ زاۋىتىن سالۋ ءۇشىن جەر بەرىلدى، ءبىراق 8 جىل ىشىندە ول ەشتەڭە ىستەمەدى جانە ورنىن تۇرمىستىق جانە بەيورگانيكالىق قالدىقتار بويىنشا رۇقسات ەتىلمەگەن پوليگونعا اينالدىردى. ءبىز تەكسەرۋ ءۇشىن بارعان كەزدە وندا ءتىپتى جانۋارلاردان الىنعان ۇشالار دا بولعان، ال بۇل ءۇشىن ارنايى ليسەنزيالار قاجەت، ويتكەنى مۇنىڭ ءبارى ينفەكسيا مەن ۆيرۋستىق اۋرۋلاردىڭ تاسىمالداۋشىلارى بولىپ تابىلادى، - دەپ اتاپ ءوتتى ەرجان يگىبايەۆ.



 

تالعار اۋدانى اقساقالدارىنىڭ ايتۋىنشا، ايجىگىتوۆ تاراپىنان جاسالعان مۇنداي ارەكەت ادام سەڭگىز.
- اقساقالدىڭ بۇكىل ەلگە ءوزىن ورتەپ جىبەرەتىنىن وسىلاي جازۋعا بولا ما؟ ءوزىنىڭ كىناسى بولا تۇرا بۇلاي جاساۋى قاتە. ول ءوزى زاڭدى بىرنەشە رەت بۇزعان. مەنىڭ ويىمشا، بۇل "قۇرمەت"وردەنى بار ادام ءۇشىن لايىقتى ارەكەت ەمەس. كەرىسىنشە، جاس ۇرپاققا ۇلگى بولۋى كەرەك. ءبىز تابيعاتتى قورعاپ، زيان كەلتىرمەۋىمىز كەرەك، - دەدى ارداگەرلەر كەڭەسىنىڭ ءتوراعاسى ماتان راحىمبەرگەن ۇلى.

ءوز كەزەگىندە الماتى وبلىسىنىڭ ەكولوگيا دەپارتامەنتى بۇل جاعدايعا تۇسىنىكتەمە بەردى.