اتىراۋدا تٶرت ادامدى ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوت پروتسەسٸ جالعاسىپ جاتىر. 2026 جىلدىڭ 2 ماۋسىمىندا ٶتكەن سوت وتىرىسىندا كۋەلەردەن جاۋاپ الىندى, دەپ حابارلايدى dalanews.kz.
سوت زالىندا قايتىس بولعان قاراباليندەر ەۋلەتٸنٸڭ جاقىندارى مەن سوتتالۋشى سەرسەمەليەۆتٸڭ تۋىستارى بولدى. ولاردىڭ اراسىندا سوتتالۋشىنىڭ ەكەسٸ ساميعوللا سەرسەمەليەۆ تە وتىردى.
جەرگٸلٸكتٸ تٸلشٸ جانات مولداشەۆا سوت زالىنان تٸكەلەي ەفيرگە شىعىپ, ساميعوللا سەرسەمەليەۆتەن پٸكٸر الدى. ەر ادام بولعان جاعدايعا ەلٸ دە سەنە الماي جٷرگەنٸن جەتكٸزدٸ.
تٸلشٸ ودان: “قۇدالارىڭىزبەن 2022 جىلدان بەرٸ ارالاسپاعان ەكەنسٸز. ەكەۋٸ اجىراسقاننان كەيٸن قۇدالارىڭىزدى كٶرگەن جوقسىز با?” – دەپ سۇرادى.
“كٶرگەن جوقپىن. ارالاس-قۇرالاس بولىپ, كەلٸپ-كەتٸپ جٷردٸ عوي. ول جەردە قاتىناستى قۇدانىڭ ٶزٸ ٷزٸپ تاستادى. ٶزٸ كەلٸپ, قىزىمدى بٶلەك شىعارامىن دەدٸ”, – دەدٸ ساميعوللا سەرسەمەليەۆ.
ول بۇرىنعى كەلٸنٸ اقبايانعا قاتىستى دا پٸكٸر بٸلدٸردٸ. الايدا ونى جاقسى نەمەسە جامان كەلٸن دەپ باعالاۋدان باس تارتتى.
“بوسانعاننان كەيٸن اۋىرىپ جاتتى. ٷيدٸڭ ٸشٸندە جٷرەدٸ, تاماعىن ٸشەدٸ, ۇيىقتايدى, تۇرادى. بالالارىمەن قارىم-قاتىناسى جوق”, – دەدٸ ول.
بۇعان دەيٸن قاراباليندەردٸڭ تۋىسى سوتتالۋشىنىڭ وتباسى كٶڭٸل ايتىپ, كەشٸرٸم سۇراپ بارماعانىن ايتقان ەدٸ. بۇل سۇراققا ساميعوللا سەرسەمەليەۆ سول كەزدە ٸستٸڭ مەن-جايى تولىق بەلگٸلٸ بولماعانىن العا تارتتى.
“سول كەزدە بەلگٸسٸز بولدى, ۇلىم كٷدٸكتٸ بولدى. ەندٸ بەلگٸلٸ بولىپ جاتىر. كۋە كٸسٸلەر جاۋاپ بەرٸپ جاتىر”, – دەپ جاۋاپ بەردٸ سوتتالۋشىنىڭ ەكەسٸ.
