ريددەردەگى ايعاي-شۋدان كەيىن توبە جاقتا تىلگە قاتىستى قىزۋ تالقىلاۋ وتكەن. وسى وتىرىستا "ءتىل ءپاترۋلىنىڭ" تاعدىرى تۇبەگەيلى ايقىندالعان.

DALA INSIDE تەلەگرام ارناسىنىڭ حابارلاعانىنداي مەملەكەت ءتىل ماسەلەسىن تولىقتاي ءوز قولىنا الماق.

"ريددەردەگى رەيدكە" ۇقساس ينسيدەنتكە بۇدان بىلاي جول بەرىلمەيدى. ارىدەگى قۋات احمەتوۆ پەن بەرىدەگى دياس قۇزايىروۆتىڭ ارەكەتىن قايتالاعىسى كەلگەندەرگە قاتاڭ شارا قولدانىلىپ، جاۋاپقا تارتىلادى.

جاڭا قازاقستان ءتىلدىڭ توڭىرەگىندەگى جانجالدىڭ جيىلەپ كەتكەنىنە الاڭداۋلى. تەرىسكەي كورشىمەن اراداعى سىيلاستىققا سىزات تۇسىرمەۋ ماڭىزدى.

سول جاعالاۋداعى ازدى-كوپتى مەملەكەتتشىل ازاماتتار ءقازاقتىلدى اۋديتوريانىڭ "انا ءتىلىمىز جوعالۋ الدىندا تۇر" دەگەن قومپلەكستەن ارىلعانىن قالايدى.

DALA INSIDE-قا بەلگىلى بولعانداي بيلىك تاراپىنان دياسقا ءبىر جولعا راقىمشىلىق جاسالعان. ريددەردىڭ شەندىلەرىنەن قازاقشا سويلەۋدى تالاپ ەتىپ، كەيىننەن كەشىرىم سۇراعان ءتىل بەلسەندىسى سوتتالماۋى ءتيىس. دياستان كەيىنگى ءتىل جاناشىرلارىنا ىلگەرىدە ايتقانداي مۇنداي كەڭشىلىك جاسالمايدى.

ال "ءتىل ءپاترۋلىنىڭ" ورنىن "قازاق ءتىلى" قوعامى الماستىرماق.

تۇنەۋكۇنى توقايەۆتىڭ قابىلداۋىندا بولعان ۇيىم ءتوراعاسى راۋان كەنجەحانۇلىنا مەكەمەنى جاڭا فورماتقا كوشىرۋ تۋرالى تالاپ قويىلعان. ۇيىم مەمتىلدىڭ قولدانىس اياسىن ارتتىرۋدا اگرەسسياسىز، اقىلمەن، سابىرمەن جۇمىس ىستەۋى ءتيىس (سونىڭ ىشىندە تەوريانى تاستاپ، پراكتيكالىق جۇمىسقا تەزدەتىپ كوشۋى كەرەك).

تولىق نۇسقاسى وسى جەردە:  https://t.me/dalainside/1529

https://dalanews.kz/sadak/93761-qauipti-tendenciia-rosatom-qazaqstan