"سەرٸك سەپيەۆ بۇعان لايىق, ول بٸزدٸڭ چەمپيون جەنە ول كٶپ جىل بويى تۋىمىزدى كٶتەرٸپ, ەلٸمٸزدٸ تانىتتى. سەرٸك بٸزدٸڭ, سپورتشىلاردىڭ چەمپيون بولۋ ٷشٸن قانداي ەڭبەك ەتۋٸمٸز كەرەك ەكەنٸن بٸلەدٸ. قان مەن تەرٸن تٶككەن كٶپتەگەن چەمپيونىمىز سپورتتان كەتكەننەن كەيٸن دالادا قالىپ قويادى, باسپاناسى بولماي قالادى, جۇمىسسىز, تٸرشٸلٸك ەتۋگە دە اقشاسى بولماي جٷرەتٸندەرٸ بار, تٸپتٸ ٶمٸر بويىنا مٷگەدەك بولىپ قالادى", - دەيدٸ سپورتشى.
"ەلٸمٸز ٶز باتىرىن جالعىزدىقتا ٶلٸمگە قييادى. مەنٸڭشە, سەرٸك سەپيەۆ دەپۋتات قىزمەتٸندە كٶپ ٸس تىندىرا الادى. بارلىق ٶڭٸردٸ, بارلىق وبلىستى تەگٸن زالدارمەن, سەكتسييالارمەن قامتۋ كەرەك, سوندا عانا ەربٸر بالا دۇرىس جولعا تٷسە الار ەدٸ. جاستار بٸزدٸڭ بولاشاعىمىز عوي", - دەدٸ ول.
قۋات حاميتوۆ ينۆەستيتسييا جەنە دامۋ جٶنٸندەگٸ بۇرىنعى ۆيتسە-مينيستر البەرت راۋدىڭ دەپۋتات بولىپ تاعايىندالۋىنا نە سەبەپتٸ نارازى بولعانىن ايتتى.
"البەرت راۋدىڭ عانا تاعايىندالۋى ەمەس, سوندا بارىپ جاتقانداردىڭ بارلىعىنا نارازىمىن. سەبەبٸ قىزمەتكە كەلگەن ەربٸر ادام بەلگٸلٸ بٸر باعدارلاماسىمەن بارۋى كەرەك, حالىقتىڭ جاعدايىن جاقسارتۋ كەرەك, ناقتى مەسەلەلەردٸ شەشۋٸ كەرەك. وسىعان دايىن بولماساڭىز قاققان قازىقتاي وتىرا بەرمەي, باتىل بولىڭىز دا "قولىمنان ٸس كەلمەيدٸ, كەتۋگە مٷمكٸندٸك بەرٸڭٸزدەر" دەۋٸڭٸز كەرەك. بۇل بارلىعىنا قاتىستى", - دەيدٸ سپورتشى.
مۇنىمەن قاتار, ول سينگاپۋردىڭ دامۋ تەجٸريبەسٸن مىسالعا كەلتٸردٸ.
"ساز بالشىقتان ەلەمنٸڭ ەكونوميكالىق ٷزدٸك ەلٸ سينگاپۋردى قۇرۋ ادامنىڭ قولىنان كەلەر بولسا, بٸزدٸڭ ادامدار نەلٸكتەن وسىنداي تابيعاتى باي ەلدە دىم دا ٸستەمەيدٸ? بٸزدە نەگە جۇمىسسىزدىق بار, قىزىل ديپلومى بار ادامدار نەگە بازارلاردا جٷر, نەگە قازاقستاننىڭ ەربٸر ازاماتىندا باسپانا جوق? ولارعا ٷي سىيلاسىن دەپ جاتقان جوقپىن, بٸراق جۇمىس بەرٸڭٸز. جىلداپ سٶيلەي بەرۋگە بولادى. سول جاقتا لايىقتى ادامدار بولسا, بۇل مەسەلەلەردٸ شەشۋگە مٷمكٸندٸك بار ەدٸ", - دەيدٸ قۋات "نايمان" حاميتوۆ.
ول دەپۋتاتتىڭ قانداي بولۋى كەرەك ەكەنٸن ايتتى "مەنٸڭشە, 2015 جىلعا قاجەتسٸز جوسپارلار قۇرا بەرمەي, بٷگٸنگٸ كٷنٸمٸزبەن ٶمٸر سٷرەتٸن كەز كەلدٸ. ۋاقىت ەشكٸمدٸ كٷتپەيدٸ. مٸندەتتٸ بٷگٸن جەنە قازٸر شەشۋ كەرەك! ٶل حالقى ٷشٸن جانىن قيياتىندار عانا دەپۋتات بولۋى كەرەك. حالقىنىڭ يگٸلٸگٸ ٷشٸن قانى مەن تەرٸن تٶگەتٸندەر كەرەك, ونسىز دا شاراسىز ادامداردى تىعىرىققا تٸرەي بەرمەسٸن", - دەپ قورىتتى ويىن سپورتشى.
ەسكە سالا كەتەيٸك, 13 ناۋرىزدا ورتالىق سايلاۋ كوميسسيياسى قازاقستان رەسپۋبليكاسى پارلامەنتٸ مەجٸلٸسٸ دەپۋتاتىنىڭ بوساعان مانداتى "نۇر وتان" پارتيياسى" قوعامدىق بٸرلەستٸگٸنٸڭ مٷشەسٸ البەرت پاۆلوۆيچ راۋدى پارلامەنت مەجٸلٸسٸنٸڭ دەپۋتاتى ەتٸپ تاعايىنداعان بولاتىن.
سونداي-اق, 28 اقپاندا قر ورتالىق سايلاۋ كوميسسيياسى وليمپيادا چەمپيونى سەرٸك سەپيەۆتٸ قازاقستان رەسپۋبليكاسى پارلامەنت مەجٸلٸسٸنٸڭ دەپۋتاتى رەتٸندە تٸركەگەن ەدٸ.
دەرەككٶز: kaz.tengrinews.kz
