"Serik Sápiev buǵan laiyq, ol bizdiń chempion jáne ol kóp jyl boiy týymyzdy kóterip, elimizdi tanytty. Serik bizdiń, sportshylardyń chempion bolý úshin qandai eńbek etýimiz kerek ekenin biledi. Qan men terin tókken kóptegen chempionymyz sporttan ketkennen keiin dalada qalyp qoiady, baspanasy bolmai qalady, jumyssyz, tirshilik etýge de aqshasy bolmai júretinderi bar, tipti ómir boiyna múgedek bolyp qalady", - deidi sportshy.
"Elimiz óz batyryn jalǵyzdyqta ólimge qiiady. Menińshe, Serik Sápiev depýtat qyzmetinde kóp is tyndyra alady. Barlyq óńirdi, barlyq oblysty tegin zaldarmen, sektsiialarmen qamtý kerek, sonda ǵana árbir bala durys jolǵa túse alar edi. Jastar bizdiń bolashaǵymyz ǵoi", - dedi ol.
Qýat Hamitov investitsiia jáne damý jónindegi burynǵy vitse-ministr Albert Raýdyń depýtat bolyp taǵaiyndalýyna ne sebepti narazy bolǵanyn aitty.
"Albert Raýdyń ǵana taǵaiyndalýy emes, sonda baryp jatqandardyń barlyǵyna narazymyn. Sebebi qyzmetke kelgen árbir adam belgili bir baǵdarlamasymen barýy kerek, halyqtyń jaǵdaiyn jaqsartý kerek, naqty máselelerdi sheshýi kerek. Osyǵan daiyn bolmasańyz qaqqan qazyqtai otyra bermei, batyl bolyńyz da "qolymnan is kelmeidi, ketýge múmkindik berińizder" deýińiz kerek. Bul barlyǵyna qatysty", - deidi sportshy.
Munymen qatar, ol Singapýrdyń damý tájiribesin mysalǵa keltirdi.
"Saz balshyqtan álemniń ekonomikalyq úzdik eli Singapýrdy qurý adamnyń qolynan keler bolsa, bizdiń adamdar nelikten osyndai tabiǵaty bai elde dym da istemeidi? Bizde nege jumyssyzdyq bar, qyzyl diplomy bar adamdar nege bazarlarda júr, nege Qazaqstannyń árbir azamatynda baspana joq? Olarǵa úi syilasyn dep jatqan joqpyn, biraq jumys berińiz. Jyldap sóilei berýge bolady. Sol jaqta laiyqty adamdar bolsa, bul máselelerdi sheshýge múmkindik bar edi", - deidi Qýat "Naiman" Hamitov.
Ol depýtattyń qandai bolýy kerek ekenin aitty "Menińshe, 2015 jylǵa qajetsiz josparlar qura bermei, búgingi kúnimizben ómir súretin kez keldi. Ýaqyt eshkimdi kútpeidi. Mindetti búgin jáne qazir sheshý kerek! Ól halqy úshin janyn qiiatyndar ǵana depýtat bolýy kerek. Halqynyń igiligi úshin qany men terin tógetinder kerek, onsyz da sharasyz adamdardy tyǵyryqqa tirei bermesin", - dep qorytty oiyn sportshy.
Eske sala keteiik, 13 naýryzda Ortalyq sailaý komissiiasy Qazaqstan Respýblikasy Parlamenti Májilisi depýtatynyń bosaǵan mandaty "Nur Otan" partiiasy" qoǵamdyq birlestiginiń múshesi Albert Pavlovich Raýdy Parlament Májilisiniń depýtaty etip taǵaiyndaǵan bolatyn.
Sondai-aq, 28 aqpanda QR Ortalyq sailaý komissiiasy Olimpiada chempiony Serik Sápievti Qazaqstan Respýblikasy Parlament Májilisiniń depýtaty retinde tirkegen edi.
Derekkóz: kaz.tengrinews.kz
