"سوڭعى تٶرت جىلدان بەرٸ رەسەيلٸك استىقتى قازاقستان اۋماعىنا جەتكٸزۋ تاريفٸ ٶزگەرٸسسٸز قالىپ وتىر", - دەپ حابارلادى قتج.
ۇلتتىق كومپانييا مەلٸمەتٸنشە, جىل باسىنان بەرٸ رەسەي استىعىن قازاقستان اۋماعىنا تاسىمالداۋ كٶبەيگەن. سوڭعى 10 ايدا ٶتكەن جىلمەن سالىستىرعاندا 24 پروتسەنتكە ٶسكەن.
وسىنىڭ الدىندا رەسەيلٸك باق "رەسەي تەمٸر جولى" كومپانيياسى قازاقستاننان اۋىل شارۋاشىلىعى ٶنٸمدەرٸنٸڭ ترانزيتٸ تاريفٸن تٷسٸرۋدٸ سۇرادى دەپ جازعان. وندا "رەسەي ٷشٸن ورتالىق ازييا ەلدەرٸنە استىق جەتكٸزۋ جابىق" دەلٸنگەن.
ەۋرازييالىق ەكونوميكالىق وداق تالابىنا سەيكەس, ترانزيت تاريفٸ تمد ساياساتىن سەيكەس جٷزەگە اسادى.
رەسەي استىق وداعىنىڭ ۆيتسە-پرەزيدەنتٸ الەكساندر كوربۋتتىڭ سٶزٸنشە, باتىس ەلدەرٸ سانكتسييالارىنان كەيٸن, استىقتى قازاقستان ارقىلى جەتكٸزۋ تيٸمسٸز. "سەبەبٸ, قازاقستان بٸزدٸڭ ٶنٸمدٸ ٶزگە ەلدەرگە قايتا ساتىپ, پايدا تابۋى مٷمكٸن" دەيدٸ.
قازاقستان 10 قىركٷيەكتەن باستاپ استىق پەن ۇن ەكسپورتىنا بيىل ٶنٸم جوعارى بولادى دەپ, تىيىمدى الىپ تاستاعان. سەۋٸر ايىندا رەسەيگە سالىنعان سانكتسييالارعا بايلانىستى بيداي قىمباتتاپ, ٷكٸمەت استىق ەكسپورتىنا تىيىم سالعان.
اۋىل شارۋاشىلىعى مينيسترلٸگٸ بيىل 13 ملن توننادان استام استىق جينايمىز, بۇل بىلتىرعىدان 12 پروتسەنتكە كٶپ دەپ بولجاعان. ٸشكٸ سۇرانىس 6,5 ملن توننا دەپ بولجانادى.
