"Sońǵy tórt jyldan beri reseılik astyqty Qazaqstan aýmaǵyna jetkizý tarıfi ózgerissiz qalyp otyr", - dep habarlady QTJ.
Ulttyq kompanıa málimetinshe, jyl basynan beri Reseı astyǵyn Qazaqstan aýmaǵyna tasymaldaý kóbeıgen. Sońǵy 10 aıda ótken jylmen salystyrǵanda 24 prosentke ósken.
Osynyń aldynda Reseılik BAQ "Reseı temir joly" kompanıasy Qazaqstannan aýyl sharýashylyǵy ónimderiniń tranzıti tarıfin túsirýdi surady dep jazǵan. Onda "Reseı úshin Ortalyq Azıa elderine astyq jetkizý jabyq" delingen.
Eýrazıalyq ekonomıkalyq odaq talabyna sáıkes, tranzıt tarıfi TMD saıasatyn sáıkes júzege asady.
Reseı astyq odaǵynyń vıse-prezıdenti Aleksandr Korbýttyń sózinshe, Batys elderi sanksıalarynan keıin, astyqty Qazaqstan arqyly jetkizý tıimsiz. "Sebebi, Qazaqstan bizdiń ónimdi ózge elderge qaıta satyp, paıda tabýy múmkin" deıdi.
Qazaqstan 10 qyrkúıekten bastap astyq pen un eksportyna bıyl ónim joǵary bolady dep, tyıymdy alyp tastaǵan. Sáýir aıynda Reseıge salynǵan sanksıalarǵa baılanysty bıdaı qymbattap, Úkimet astyq eksportyna tyıym salǵan.
Aýyl sharýashylyǵy mınıstrligi bıyl 13 mln tonnadan astam astyq jınaımyz, bul byltyrǵydan 12 prosentke kóp dep boljaǵan. İshki suranys 6,5 mln tonna dep boljanady.
