Qazaqstan Úkimetiniń qaýlysymen eki vitse-ministr qyzmetinen bosatyldy. Bul týraly Premer-ministrdiń resmi aqparattyq resýrsy habarlady, dep jazady dalanews.kz.
Úkimet qaýlysymen Batyrbek Qadyrbekuly Ábdishev Qazaqstan Respýblikasynyń tótenshe jaǵdailar vitse-ministri qyzmetinen bosatyldy.
Batyrbek Ábdishev buǵan deiin 20 jyldan astam arnaiy memlekettik organdarda, sonyń ishinde Ulttyq qaýipsizdik komiteti júiesinde qyzmet atqarǵan. 2024 jyldan beri Tótenshe jaǵdailar vitse-ministri qyzmetin atqaryp kelgen.
Sonymen qatar Úkimet qaýlysymen Aidar Ahmetbekuly Ábildabekov Qazaqstan Respýblikasynyń Saýda jáne integratsiia vitse-ministri qyzmetinen bosatyldy.
Aidar Ábildabekov bul qyzmetke 2025 jylǵy tamyzda taǵaiyndalǵan edi.
