قازاقستاندا QR ارقىلى جاسالاتىن قولما-قول اقشاسىز تٶلەمدەردٸ قوسىلعان قۇن سالىعىنان (ققس) بوساتۋ مەسەلەسٸ قاراستىرىلىپ جاتىر. بۇل تۋرالى ٷكٸمەتتەگٸ بريفينگتە ۇلتتىق بانك تٶراعاسىنىڭ ورىنباسارى بينۋر جالەنوۆ مەلٸمدەدٸ., دەپ حابارلايدى dalanews.kz.
جۋرناليستەر جاڭا باستامانىڭ قازاقستاندىق كەسٸپكەرلەر تٶلەيتٸن بانك كوميسسييالارىنا, ونىڭ ٸشٸندە بٸرىڭعاي QR جٷيەسٸنە قالاي ەسەر ەتەتٸنٸن سۇرادى.
بينۋر جالەنوۆتىڭ ايتۋىنشا, بۇل مەسەلە جۋىردا جوبالىق كەڭسە وتىرىسىندا تالقىلانعان.
«قولما-قول اقشاسىز تٶلەمدەردٸ ققس-تان بوساتۋ مەسەلەسٸ قارالدى. مۇنداعى باستى ماقسات – بارلىق تٶلەم تٷرلەرٸ ٷشٸن بٸردەي جاعداي جاساۋ. قازٸرگٸ سالىق كودەكسٸندە كەيبٸر قولما-قول اقشاسىز تٶلەمدەر, مىسالى, بانك كارتالارى ارقىلى ەسەپ ايىرىسۋلار ققس-تان بوساتىلعان. بٸز ۇلتتىق تٶلەم جٷيەسٸن, سونىڭ ٸشٸندە بٸرىڭعاي QR جٷيەسٸن دامىتىپ جاتقاندىقتان, بارلىعىنا ورتاق تالاپ ەنگٸزۋ ۇسىنىلدى. بۇل تٷسٸنٸسپەۋشٸلٸكتەردٸ ازايتىپ, ەكٸمشٸلەندٸرۋدٸ جەڭٸلدەتەدٸ», – دەدٸ ول.
ۇلتتىق بانك ٶكٸلٸنٸڭ سٶزٸنشە, باستاما تۇجىرىمدامالىق تۇرعىدان قولداۋ تاپقان. قازٸر ونىڭ ناقتى تەتٸكتەرٸ ٷكٸمەتپەن بٸرلەسٸپ پىسىقتالىپ جاتىر. ودان كەيٸن ۇسىنىس قاراۋ ٷشٸن پارلامەنتكە ەنگٸزٸلەدٸ. سوڭعى شەشٸمدٸ دەپۋتاتتار قابىلدايدى.
ايتا كەتەيٸك, بٸرىڭعاي QR جٷيەسٸ ەرتٷرلٸ بانكتەردٸڭ تٶلەم سەرۆيستەرٸن بٸر پلاتفورمادا بٸرٸكتٸرۋگە مٷمكٸندٸك بەرەدٸ. باستاما قولما-قول اقشاسىز تٶلەمدەردٸ كەڭٸنەن قولدانۋعا جەنە تٶلەم ينفراقۇرىلىمىن دامىتۋعا باعىتتالعان.
