اباي وبلىسىنىڭ اياگٶز اۋدانىندا ورنالاسقان قوزى كٶرپەش – بايان سۇلۋ كەسەنەسٸنە اپاراتىن كٶپٸر ەلٸ كٷنگە دەيٸن قالپىنا كەلتٸرٸلمەدٸ. ٶتكەن جىلى سۋ تاسقىنى كەزٸندە قيراعان ٶتكەل بٸر جىلدان بەرٸ جٶندەۋ كٶرمەي, بۇل مەسەلە كٷن تەرتٸبٸنەن تٷسپەي تۇر, دەپ حابارلايدى Dalanews.kz.
جەرگٸلٸكتٸ تۇرعىن ولجاس احمەتوۆ ەلەۋمەتتٸك جەلٸدە بيلٸكتٸڭ نازارىن وسى پروبلەماعا اۋدارۋعا تىرىستى. ونىڭ ايتۋىنشا, جاز مەزگٸلٸندە كەسەنەگە شەتەلدٸك جەنە وتاندىق تۋريستەر كٶپتەپ اعىلادى. الايدا كٶپٸردٸڭ جارامسىز كٷيدە بولۋى تاريحي ورىنعا جەتۋدٸ قيىنداتىپ قانا قويماي, قازاقستاننىڭ تۋريستٸك يميدجٸنە دە كەرٸ ەسەرٸن تيگٸزۋٸ مٷمكٸن.
“بۇل – ەل تاريحى مەن مەدەنيەتٸنٸڭ بٸر بٶلٸگٸ. تۋريستەردٸڭ الدىندا ۇياتقا قالماس ٷشٸن كٶپٸردٸ مٷمكٸندٸگٸنشە تەزٸرەك جٶندەگەن جٶن”, – دەپ اتاپ ٶتتٸ احمەتوۆ.
ايتا كەتەيٸك, قوزى كٶرپەش – بايان سۇلۋ مازارى – ەلٸمٸزدەگٸ ەڭ كٶنە سەۋلەت ەسكەرتكٸشتەرٸنٸڭ بٸرٸ. كەسەنە قازاقستاننىڭ تاريحي-مەدەني مۇرالارىنىڭ تٸزٸمٸنە ەنگٸزٸلگەن جەنە ەرەكشە قورعاۋعا الىنعان. ول – حالقىمىزدىڭ رۋحاني قۇندىلىقتارىنىڭ بٸرٸ عانا ەمەس, سونىمەن قاتار قازاق جەرٸندەگٸ كٶنە سەۋلەت ٶنەرٸنٸڭ بٸرەگەي ٷلگٸسٸ.
قازٸرگٸ كەزدە كەسەنە تۋريستەر اراسىندا تانىمال ورىنداردىڭ بٸرٸ. جىل سايىن مۇندا ەلدٸڭ تٷكپٸر-تٷكپٸرٸنەن جەنە شەتەلدەن ساياحاتشىلار كەلەدٸ. الايدا, سوڭعى جىلدارى وعان اپاراتىن كٶپٸردٸڭ قيراۋى كەسەنە ماڭىنداعى ينفراقۇرىلىمنىڭ جاعدايىن قيىنداتىپ وتىر.
