قوستاناي وبلىسىندا ٶز جۇبايى مەن كەمەلەتكە تولماعان ۇلىن ٶلتٸرگەن اۋىل تۇرعىنى ٶمٸر بويىنا باس بوستاندىعىنان ايىرىلدى. بۇل تۋرالى ٶڭٸرلٸك سوتتىڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
سوت شەشٸمٸنە سەيكەس, ايىپتالۋشى ن.-عا قىلمىستىڭ اۋىرلىعى, ونىڭ قوعامعا قاۋٸپتٸلٸگٸ جەنە ٸس بويىنشا انىقتالعان مەن-جايلار ەسكەرٸلٸپ, جازاسىن قىلمىستىق-اتقارۋ جٷيەسٸنٸڭ تٶتەنشە قاۋٸپسٸزدٸك مەكەمەسٸندە ٶتەۋ بەلگٸلەنگەن.
ٸس قر قىلمىستىق كودەكسٸنٸڭ 99-بابى 2-بٶلٸگٸ 14-تارماعىنىڭ 1-تارماقشاسى بويىنشا (ەكٸ ادامدى, ونىڭ ٸشٸندە كەمەلەتكە تولماعاندى ٶلتٸرۋ) قارالدى.
تەرگەۋ دەرەگٸنشە, 2025 جىلعى 29 قىركٷيەكتە امانقاراعاي اۋىلىنىڭ تۇرعىنى ن. تٷندە ٷيٸندە جۇبايىنا قىزعانىش تانىتىپ, ونىمەن سٶيلەسۋگە بارعان. قولىنا پىشاق ۇستاعان ەر ادامدى وسى كەزدە كەمەلەتكە تولماعان ۇلى د. توقتاتپاق بولعان. ايىپتالۋشى بالاسىنا بٸرنەشە رەت پىشاق سۇققان.
شۋ شىققاننان كەيٸن ويانعان جۇبايى س. ۇلىن اراشالاماق بولعانىمەن, كٷدٸكتٸ وعان دا پىشاقپەن بٸرنەشە رەت سوققى جاساعان. اۋىر جاراقات سالدارىنان اناسى مەن بالاسى وقيعا ورنىندا كٶز جۇمدى.
