قازاقستان قورعانىس مينيسترلىگى استانادا ميتينگىگە شىققان انالاردىڭ تالاپتارىنا جاۋاپ رەتىندە اسكەري قىزمەتشىلەردىڭ قاۋىپسىزدىگىنە باسىمدىق بەرىلەتىنىن مالىمدەدى، دەپ حابارلايدى Dalanews.kz كازتاگقا سىلتەمە جاساپ.
«قازاقستان رەسپۋبليكاسىنىڭ قورعانىس مينيسترلىگى اسكەري قىزمەتشىلەردىڭ قاۋىپسىزدىگىن، قۇقىقتىق ءتارتىپتى جانە قۇقىقتارىن قورعاۋعا ءبىرىنشى كەزەكتە نازار اۋدارادى. قۇقىق بۇزۋشىلىقتارعا جول بەرمەۋ ءۇشىن ءبىرقاتار شارالار جۇزەگە اسىرىلىپ جاتىر: مورالدىق-پسيحولوگيالىق احۋالدى باقىلاۋ كۇشەيتىلدى، زاماناۋي الدىن الۋ ادىستەرى ەنگىزىلدى، اسكەري پسيحولوگتار ينستيتۋتى مەن تاربيە قۇرىلىمدارى ارقىلى جەكە قۇراممەن ماقساتتى جۇمىس جۇرگىزىلۋدە. بارلىق دەڭگەيدەگى كومانديرلەردىڭ جاۋاپكەرشىلىگى ارتتىرىلدى»، – دەپ دۇيسەنبى كۇنى جاعدايعا تۇسىنىكتەمە بەردى مينيسترلىك.
ۆەدومستۆونىڭ مالىمدەۋىنشە، «بەرەگي جيزن»، «زاكون ي پوريادوك» جانە باسقا دا باعدارلامالار ىسكە اسىرىلىپ جاتىر.
«اپتا سايىن ساربازداردىڭ اتا-انالارىمەن «وتباسىمەن بەينەقوڭىراۋ» سەرۆيسى ارقىلى تەلەفون ارقىلى سويلەسۋ ۇيىمداستىرىلادى. جەكە قۇرام كۇن سايىن مەديسينالىق تەكسەرۋدەن وتەدى. قىزمەتتىك بولمەلەر مەن كازارمالاردا ۆيدەوكامەرالار ورناتىلعان. ءسۋيسيدتىڭ الدىن الۋ جانە قارۋعا قولجەتىمدىلىكتى باقىلاۋ ءۇشىن جاساندى ينتەللەكت ەلەمەنتتەرى بار بەيناباقىلاۋ جۇيەسى ەنگىزىلۋدە. پسيحولوگيالىق قولداۋ كۇشەيتىلدى، سارباز انالار كوميتەتى دە بار، سونىڭ ىشىندە قوعامدىق ۇيىمدارمەن ىنتىماقتاستىق جولعا قويىلعان. بۇزۋشىلىقتار انىقتالعان جاعدايدا قاتاڭ تارتىپتىك شارالار قولدانىلادى»، – دەپ سەندىردى قورعانىس ۆەدومستۆوسى.
سونىمەن قاتار، مينيسترلىك «قورعانىس مينيسترلىگى اتا-انالارمەن اشىق ءارى كونسترۋكتيۆتى ديالوگقا دايىن ەكەنىن جانە اسكەري قىزمەتكە بايلانىستى ءاربىر جاعدايدى وبەكتيۆتى، جان-جاقتى جانە ءادىل قاراۋدى قامتاماسىز ەتەتىنىن» مالىمدەدى.
«10 قاراشادا ازاماتتاردى قابىلداۋ ورتالىعىندا قارۋلى كۇشتەردە، باسقا اسكەرلەر مەن اسكەري قۇرىلىمداردا جاراقات العان جانە قازا تاپقان اسكەري قىزمەتشىلەردىڭ اتا-انالارىمەن كەزدەسۋ وتكىزىلەدى. ازاماتتاردى قابىلداۋدى قورعانىس مينيسترلىگىنىڭ تاربيەلىك جانە يدەولوگيالىق جۇمىس دەپارتامەنتىنىڭ باستىعى، ادىلەت پولكوۆنيگى تلەۋحان باسحوجايەۆ، ۇلتتىق ۇلاننىڭ باس قولباسشىسىنىڭ ورىنباسارى گەنەرال-مايور قايرات ومبەتوۆ جانە باسقا دا لاۋازىمدى تۇلعالار جۇرگىزەدى. ءاربىر ءوتىنىش جەكە تارتىپپەن تىركەلىپ، قارالادى»، – دەلىنگەن مينيسترلىكتىڭ حابارلاماسىندا.
