تۇرىسپەك دوسپانبەتوۆ قالاداعى №949 رەفەرەندۋم ۋچاسكەسىندە ءوز تاڭداۋىن جاساپ، سول جەردە قىزمەت ەتىپ جۇرگەن جاندارعا، تۇرعىندارعا باتاسىن بەردى.
قاريا 1955 جىلى ىلە اۋىلىندا دۇنيەگە كەلگەن. كەيىننەن الماتىداعى اۋىل شارۋاشىلىعى ينستيتۋتىن ءتامامداعان. قاپشاعاي قالاسىندا 17 جىل بويى ىشكى ىستەر ورگاندارىندا قىزمەت اتقارعان. ودان بولەك، وبلىستا بىرنەشە لاۋازىمداردا بولعان.
ول 2015 جىلى قاپشاعاي قالاسىنىڭ قۇرمەتتى ازاماتى اتاعىن العان. ال 2020 جىلى «قاپشاعاي قالاسىنا 50 جىل» ارنايى توسبەلگىسىمەن ماراپاتتالعان. بۇگىندە قاريا اقساقالدار كەڭەسىنىڭ بەلدى مۇشەسى رەتىندە قوعام ومىرىنە بەلسەندى قاتىسىپ ءجۇر.
قونايەۆ قالاسى اتامىزدىڭ كوز الدىندا ءوسىپ، دامىعان. سوندىقتان كەز كەلگەن سايلاۋ، رەفەرەندۋمعا قاتىسۋ تۇرىسپەك دوسپانبەتوۆ ءۇشىن ماڭىزدى شارانىڭ ءبىرى.
