Turyspek Dospanbetov qaladaǵy №949 referendým ýchaskesinde óz tańdaýyn jasap, sol jerde qyzmet etip júrgen jandarǵa, turǵyndarǵa batasyn berdi.
Qariia 1955 jyly Ile aýylynda dúniege kelgen. Keiinnen Almatydaǵy aýyl sharýashylyǵy institýtyn támamdaǵan. Qapshaǵai qalasynda 17 jyl boiy ishki ister organdarynda qyzmet atqarǵan. Odan bólek, oblysta birneshe laýazymdarda bolǵan.
Ol 2015 jyly Qapshaǵai qalasynyń Qurmetti azamaty ataǵyn alǵan. Al 2020 jyly «Qapshaǵai qalasyna 50 jyl» arnaiy tósbelgisimen marapattalǵan. Búginde qariia Aqsaqaldar keńesiniń beldi múshesi retinde qoǵam ómirine belsendi qatysyp júr.
Qonaev qalasy atamyzdyń kóz aldynda ósip, damyǵan. Sondyqtan kez kelgen sailaý, referendýmǵa qatysý Turyspek Dospanbetov úshin mańyzdy sharanyń biri.
