قوناەۆ – الماتى وبلىسىنىڭ ەكٸمشٸلٸك ورتالىعىندا ناۋرىز مەيرامى كەڭ اۋقىمدا تويلاندى. ورتالىق الاڭدا 25 كيٸز ٷي تٸگٸلدٸ, ولاردىڭ ەرقايسىسىندا قازاق حالقىنىڭ دەستٷرلەرٸ كٶرسەتٸلدٸ. مەرەكەگە كەلگەن قوناقتارعا ۇلتتىق سالت-دەستٷرلەر تانىستىرىلىپ, ناۋرىز-كٶجە مەن باۋىرساق ۇسىنىلدى, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
الماتى وبلىسىنىڭ ەكٸمٸ مارات سۇلتانعازيەۆ مەرەكەلٸك شارالارعا قاتىسىپ, قالا تۇرعىندارى مەن قوناقتارىن ناۋرىزبەن قۇتتىقتادى. ول بۇل مەيرامنىڭ بٸرلٸك پەن جاڭارۋ سيمۆولى ەكەنٸن اتاپ ٶتتٸ:
– بۇل مەرەكە بٸزدٸ بٸرٸكتٸرەدٸ. دەستٷرلەرٸمٸزدٸ ۇرپاقتان-ۇرپاققا جەتكٸزۋ – بٸزدٸڭ مٸندەتٸمٸز. سەبەبٸ دەل وسى قۇندىلىقتار حالقىمىزدى مىقتى ەرٸ بٸرتۇتاس ەتەدٸ, – دەدٸ مارات سۇلتانعازيەۆ.
مەرەكەگە ۆەنگرييا, قىتاي, قىرعىزستان, ليتۆا, تٷركييا جەنە اقش-تىڭ باس كونسۋلدارى مەن اتتاشەلەرٸ, سونداي-اق موڭعولييا مەن ٷندٸستاننىڭ كونسۋلدارى قاتىستى. بۇۇ اگەنتتٸكتەرٸ مەن ميسسييالارىنىڭ ٶكٸلدەرٸ, بەلگٸلٸ مەدەنيەت قايراتكەرلەرٸ دە شارادا بوي كٶرسەتتٸ.
قوناەۆ كٶشەسٸنٸڭ بويىندا قولٶنەر شەبەرلەرٸنٸڭ جەرمەڭكەلەرٸ مەن ساۋدا قاتارلارى ۇيىمداستىرىلدى. قالالىق ساياباقتا ۇلتتىق سپورت تٷرلەرٸنەن جارىستار ٶتتٸ. ال ورتالىق الاڭ مەرەكەنٸڭ باستى ورداسىنا اينالدى – ٷلكەن ساحنادا قازاقستاندىق ەسترادا جۇلدىزدارى مەن جەرگٸلٸكتٸ ٶنەرپازدار ٶنەر كٶرسەتتٸ.
كٶرەرمەندەردٸ ەرەكشە تاڭعالدىرعان سەت – قازاقستاننىڭ حالىق ەرتٸسٸ, كومپوزيتور جەنە ديريجەر نۇرعيسا تٸلەنديەۆتٸڭ 100 جىلدىعىنا ارنالعان تالعار اۋدانى بويىنشا بٸلٸم بٶلٸمٸنە قاراستى ورتا مەكتەپ وقۋشىلارىنىڭ قاتىسۋىمەن, رەسپۋبليكالىق “كٷي كٷمبٸرٸ” چەللەندجٸندە 200 جۋىق وقۋشى “اتا تولعاۋى” كٷيٸن ورىندادى.
21 ناۋرىز كەشٸندە الاڭدا تانىمال ەنشٸلەردٸڭ قاتىسۋىمەن مەرەكەلٸك كونتسەرت ٶتتٸ.
مەرەكەلٸك شارالار بٷكٸل وبلىستى قامتىدى – بارلىق اۋدان مەن اۋىلدىق وكرۋگتەردە ۇلتتىق سپورت تٷرلەرٸنەن جارىستار جەنە مەدەني باعدارلامالار ۇيىمداستىرىلدى. سونىمەن قاتار, ناۋرىز مەيرامى ٶڭٸردٸڭ بارلىق اۋداندىق جەنە قالالىق ورتالىقتارىندا 22 كٷنٸ جالعاسىن تاۋىپ كەڭٸنەن اتالىپ ٶتٸلدٸ.
