«بارىس ارەنا» سپورت كەشەنٸندە ٶتكەن بوكس كەشٸنەن كەيٸن ۆولونتەرلەر مەن جانكٷيەرلەر ازاماتتىق جاۋاپكەرشٸلٸكتٸڭ جوعارى دەڭگەيٸن ٷلگٸ ەتتٸ. ولار سٷيٸكتٸ سپورتشىلارىن قولداپ قويماي, تريبۋنالارداعى قوقىستى جيناپ, ارەنانى تازا قالدىرۋ مٸندەتٸن دە قولعا الدى, دەپ حابارلايدى ەكٸمدٸكتٸڭ رەسمي سايتى.
مۇنداي يگٸ باستامالار استانادا بارعان سايىن تانىمال بولا تٷسۋدە. ەلوردا تۇرعىندارى مەن قوناقتارى «تازا قازاقستان» اۋقىمدى ەكواكتسيياسىن بەلسەندٸ تٷردە قولدايدى. ەلوردادا جانكٷيەرلەردٸڭ جاڭا مەدەنيەتٸ, سول سيياقتى سٷيٸكتٸ سپورتشىلاردىڭ قولداۋى تازالىقپەن جەنە تەرتٸپپەن ٷيلەسٸپ جاتادى.
«كەرەمەت كەشتەن كەيٸن ەموتسييامىز تاسىپ تۇرعان شاققا قاراماستان كەلەڭسٸز جاعدايدى نازاردان تىس قالدىرا المادىق. وسىنداي يگٸ ٸسكە ٶز ٷلەسٸمدٸ قوسقانىمدى ماقتان تۇتامىن جەنە بۇل ٸس جانكٷيەرلەر مەدەنيەتٸن نىعايتادى دەپ سەنەمٸن. تازالىق پەن تەرتٸپ تەك سپورتقا عانا ەمەس, قالامىزعا جەنە بٸر-بٸرٸمٸزگە دەگەن قۇرمەت», - دەپ اتاپ ٶتتٸ جانكٷيەرلەردٸڭ بٸرٸ.
ەسكە سالايىق, ەلوردادا بوكس كەشٸ ٶتتٸ. ونىڭ باستى جەكپە-جەگٸندە WBO جەنە IBF تۇجىرىمدارى بويىنشا ورتا سالماقتاعى ەلەم چەمپيونى اتاعى ٷشٸن قازاقستاندىق جەنٸبەك ەلٸمحانۇلى مەن فرانتسۋز اناۋەل نگاميسسەنگۋە كٷش سىناستى. سونىمەن قاتار, بوكس كەشٸندە قازاقتىڭ بەلگٸلٸ بوكسشىلارى سۇلتان زاۋىربەك, باتىر جٷكەمباەۆ, ماحمۇد سابىرحان, تٶرەحان سابىرحان, اقنيەت ەلٸمباي جەنە بالاۋسا مۇزديمان شارشى الاڭعا شىقتى.
