قولدانبالى عىلىمدى مەملەكەتتىك قارجىلاندىرۋ 476،9 ملرد تەڭگەگە دەيىن ۇلعايتىلدى. عىلىم بيۋدجەتى 9%-عا ءوستى، دەپ جازادى Dalanews.kz.
"قولدانبالى عىلىمدى مەملەكەتتىك قارجىلاندىرۋ 2024-2026 جىلدارعا 476،9 ملرد تەڭگەگە دەيىن ۇلعايتىلدى،ونىڭ ىشىندە باعدارلامالىق-نىسانالى قارجىلاندىرۋ – 211 ملرد تەڭگە، گرانتتىق قارجىلاندىرۋ – 198 ملرد تەڭگە، كوممەرسيالاندىرۋدى گرانتتىق قارجىلاندىرۋ – 67،9 ملرد. تەڭگە. عىلىمي زەرتتەۋلەرمەن اينالىساتىن ۇيىمداردىڭ سانى 425-كە دەيىن ءوستى، بۇل 2022 جىلمەن سالىستىرعاندا 11 بىرلىككە كوپ. عىلىمي قىزمەتكەرلەر سانى 25،4 مىڭ ادامعا جەتتى (وتكەن جىلعا قاراعاندا +13%)"، دەلىنگەن ۇكىمەت سايتىنداعى تالداۋدا.
سونداي-اق تالداۋدا ۇلتتىق عىلىم اكادەمياسىنىڭ ينستيتۋسيونالدىق ءرولى، ق ر ۇعا بيۋدجەتتىك قارجىلاندىرۋ ماسەلەلەرى قاراستىرىلعان.
"250 عىلىمي ۇيىم Web of Science، Scopus جانە Wiley دەرەكقورلارىن پايدالانادى. بيىل 2297 عىلىمي جوبا، 299 عىلىمي-تەحنيكالىق باعدارلاما، 206 كوممەرسيالاندىرۋ جوباسى ىسكە اسىرىلىپ جاتىر. جاس عالىمدار 1055 عىلىمي جوبانى جۇزەگە اسىرۋدا. مىسالى، ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ عالىمدارى مەديسينادا، ەلەكترونيكادا جانە شىنى وندىرىسىندە كەڭىنەن قولدانىلاتىن 99،5% تازالىعى بار سەلەن حيميالىق ەلەمەنتىن ءوندىرۋ ءادىسىن ويلاپ تاپتى"، دەلىنگەن حابارلامادا.
2024-2026 جىلدارعا كوزدەلگەن عىلىم بيۋدجەتى – 703،6 ملرد تەڭگەنى قۇرادى، بۇل الدىڭعى ءۇش جىلدىق كەزەڭمەن سالىستىرعاندا 9%-عا ارتىق. 2024 جىلى رەسپۋبليكالىق بيۋدجەتتەن (رب 11ء-شى تۇزەتۋدەن كەيىن) عىلىمدى دامىتۋعا 177،3 ملرد تەڭگە ءبولىندى، ونىڭ ىشىندە باعدارلامالىق-نىسانالى قارجىلاندىرۋ – 66،2 ملرد تەڭگە، گرانتتىق قارجىلاندىرۋ – 75،2 ملرد تەڭگە، ىرگەلى عىلىمي زەرتتەۋلەردى قارجىلاندىرۋ – 3،1 ملرد تەڭگە، كوممەرسيالاندىرۋ جوبالارىن گرانتتىق قارجىلاندىرۋ – 22،9 ملرد تەڭگە، بازالىق قارجىلاندىرۋ – 9،9 ملرد تەڭگە بولدى.
2024 جىلى جىو-دەگى عزتكج-عا ىشكى شىعىنداردىڭ ۇلەسى 121 ملرد تەڭگەدەن 173 ملرد تەڭگەگە دەيىن ءوستى (ءجىو-نىڭ 0،13%-دان 0،14%-عا دەيىن).
"جاستاردى عىلىمعا تارتۋ ماقساتىندا عجبم مەن "وتباسى بانكى" اق اراسىندا جاس عالىمدارعا 2023-2027 جىلدارعا ارنالعان جەڭىلدەتىلگەن نەسيە بەرۋ باعدارلاماسى بويىنشا ىنتىماقتاستىق تۋرالى كەلىسىمگە قول قويىلدى. "وتباسى بانكى" اق كەلىسىم شەڭبەرىندە 2023 جىلعى 1 جەلتوقساندا جاس عالىمدارعا ارنالعان يپوتەكالىق نەسيە بەرۋ باعدارلاماسىن ىسكە قوستى. نەسيەنىڭ ەڭ كوپ سوماسى 20 ملن تەڭگەنى، قارىز مەرزىمى – 19 جىلدى قۇرايدى. 2024 جىلدىڭ 8 ايىنىڭ قورىتىندىسى بويىنشا 290 پاتەر بەرىلدى. بۇل جاس عالىمداردى قازاقستاندا قالۋعا ءارى ەلىمىزدە عىلىمدى دامىتۋعا قوسىمشا ىنتالاندىرادى. وتەۋسىز نەگىزدە جاس عالىمدارعا 20 پاتەر بەرىلدى"، دەلىنگەن حابارلامادا.
2023 جىلى 809 عالىمعا الەمنىڭ جەتەكشى ورتالىقتارىندا عىلىمي تاعىلىمدامادان وتۋگە گرانتتار بەرىلدى. قازىرگى ۋاقىتتا رەسپۋبليكالىق كوميسسيانىڭ 2 وتىرىسىنىڭ قورىتىندىسى بويىنشا 80 ۇمىتكەردىڭ عىلىمي تاعىلىمدامادان ءوتۋى ماقۇلداندى.
عىلىمي كادرلاردى (PhD دوكتورلارىن) دايارلاۋدا جاعداي جاساۋعا ەرەكشە كوڭىل بولىنەدى، دوكتورانتۋراعا مەملەكەتتىك تاپسىرىس 1،9 مىڭ ورىنعا دەيىن ۇلعايتىلدى.
