Qoldanbaly ǵylymdy memlekettik qarjylandyrý 476,9 mlrd teńgege deiin ulǵaityldy. Ǵylym biýdjeti 9%-ǵa ósti, dep jazady Dalanews.kz.
"Qoldanbaly ǵylymdy memlekettik qarjylandyrý 2024-2026 jyldarǵa 476,9 mlrd teńgege deiin ulǵaityldy,onyń ishinde baǵdarlamalyq-nysanaly qarjylandyrý – 211 mlrd teńge, granttyq qarjylandyrý – 198 mlrd teńge, kommertsiialandyrýdy granttyq qarjylandyrý – 67,9 mlrd. teńge. Ǵylymi zertteýlermen ainalysatyn uiymdardyń sany 425-ke deiin ósti, bul 2022 jylmen salystyrǵanda 11 birlikke kóp. Ǵylymi qyzmetkerler sany 25,4 myń adamǵa jetti (ótken jylǵa qaraǵanda +13%)", delingen úkimet saityndaǵy taldaýda.
Sondai-aq taldaýda Ulttyq ǵylym akademiiasynyń institýtsionaldyq róli, QR UǴA biýdjettik qarjylandyrý máseleleri qarastyrylǵan.
"250 ǵylymi uiym Web of Science, Scopus jáne Wiley derekqorlaryn paidalanady. Biyl 2297 ǵylymi joba, 299 ǵylymi-tehnikalyq baǵdarlama, 206 kommertsiialandyrý jobasy iske asyrylyp jatyr. Jas ǵalymdar 1055 ǵylymi jobany júzege asyrýda. Mysaly, Q. Sátbaev atyndaǵy Qazaq ulttyq tehnikalyq zertteý ýniversitetiniń ǵalymdary meditsinada, elektronikada jáne shyny óndirisinde keńinen qoldanylatyn 99,5% tazalyǵy bar Selen himiialyq elementin óndirý ádisin oilap tapty", delingen habarlamada.
2024-2026 jyldarǵa kózdelgen ǵylym biýdjeti – 703,6 mlrd teńgeni qurady, bul aldyńǵy úsh jyldyq kezeńmen salystyrǵanda 9%-ǵa artyq. 2024 jyly respýblikalyq biýdjetten (RB 11-shi túzetýden keiin) ǵylymdy damytýǵa 177,3 mlrd teńge bólindi, onyń ishinde baǵdarlamalyq-nysanaly qarjylandyrý – 66,2 mlrd teńge, granttyq qarjylandyrý – 75,2 mlrd teńge, irgeli ǵylymi zertteýlerdi qarjylandyrý – 3,1 mlrd teńge, kommertsiialandyrý jobalaryn granttyq qarjylandyrý – 22,9 mlrd teńge, bazalyq qarjylandyrý – 9,9 mlrd teńge boldy.
2024 jyly JIÓ-degi ǴZTKJ-ǵa ishki shyǵyndardyń úlesi 121 mlrd teńgeden 173 mlrd teńgege deiin ósti (JIÓ-niń 0,13%-dan 0,14%-ǵa deiin).
"Jastardy ǵylymǵa tartý maqsatynda ǴJBM men "Otbasy banki" AQ arasynda jas ǵalymdarǵa 2023-2027 jyldarǵa arnalǵan jeńildetilgen nesie berý baǵdarlamasy boiynsha yntymaqtastyq týraly kelisimge qol qoiyldy. "Otbasy banki" AQ kelisim sheńberinde 2023 jylǵy 1 jeltoqsanda jas ǵalymdarǵa arnalǵan ipotekalyq nesie berý baǵdarlamasyn iske qosty. Nesieniń eń kóp somasy 20 mln teńgeni, qaryz merzimi – 19 jyldy quraidy. 2024 jyldyń 8 aiynyń qorytyndysy boiynsha 290 páter berildi. Bul jas ǵalymdardy Qazaqstanda qalýǵa ári elimizde ǵylymdy damytýǵa qosymsha yntalandyrady. Óteýsiz negizde jas ǵalymdarǵa 20 páter berildi", delingen habarlamada.
2023 jyly 809 ǵalymǵa álemniń jetekshi ortalyqtarynda ǵylymi taǵylymdamadan ótýge granttar berildi. Qazirgi ýaqytta Respýblikalyq komissiianyń 2 otyrysynyń qorytyndysy boiynsha 80 úmitkerdiń ǵylymi taǵylymdamadan ótýi maquldandy.
Ǵylymi kadrlardy (PhD doktorlaryn) daiarlaýda jaǵdai jasaýǵa erekshe kóńil bólinedi, doktorantýraǵa memlekettik tapsyrys 1,9 myń orynǵa deiin ulǵaityldy.
