ويىل وزەنىنىڭ تاسۋىنا بايلانىستى قىزىلقوعا اۋدانىندا توتەنشە جاعداي جاريالاندى. جاعداي وبلىس اكىمىنىڭ جەكە باقىلاۋىندا. بۇل جايىندا ءوڭىر باسشىسى ءوزىنىڭ الەۋمەتتىك جەلىدەگى پاراقشالارىندا جازدى.
قازىرگى تاڭدا قورعانىس ماقساتىندا 300 توننا قۇم جانە 500-دەن استام توپىراق تولتىرىلعان موشەك قويىلدى.
وقيعا ورنىندا 3 اۋىر تەحنيكا (2 كاماز، 1 تيەۋشى)، 70-دەن اسا ەرىكتى اۋىل جاستارى ءجۇر. توتەنشە جاعدايلار دەپارتامەنتىنىڭ 7 قىزمەتكەرى
ءقاۋپى بار ايماقتاردا كۇشەيتىلگەن كەزەكشىلىكتە تۇر.
بۇگىن اۋىلداعى ۇيلەردى سۋ باسۋدىڭ الدىن الۋ ءۇشىن «ميالى-قاراباۋ-يندەر» اۆتوجولىن جىرۋ تۋرالى شەشىم قابىلداندى. ءقاۋىپ سەيىلگەننەن كەيىن جول قالپىنا كەلتىرىلەدى.
