قىزىلوردا وبلىسىنىڭ ەكٸمٸ, وبلىستىق قازاقستان حالقى اسسامبلەياسىنىڭ تٶراعاسى نۇرلىبەك نەلٸباەۆتىڭ تٶراعالىعىمەن قازاقستان حالقى اسسامبلەياسىنىڭ 30 جىلدىعىنا وراي كەڭەيتٸلگەن كەڭەس ٶتتٸ. باسقوسۋعا جاۋاپتى سالا باسشىلارى, قالا, اۋدان ەكٸمدەرٸ مەن زييالى قاۋىم ٶكٸلدەرٸ, قحا مٷشەلەرٸ قاتىستى, دەپ حابارلايدى Dalanews.kz
ايماق باسشىسى اسسامبلەيا قىزمەتٸنٸڭ ماڭىزدىلىعىن ايتىپ, ٶڭٸردەگٸ اۋقىمدى ٸس-شارالارعا توقتالدى.
«بارشاڭىزدى بەرەكە-بٸرلٸگٸمٸزدٸڭ ۇيىتقىسىنا اينالىپ, ەلٸمٸزدەگٸ ەتنوسارالىق دوستىق پەن بٸرلٸكتٸڭ ٷلگٸسٸن ەلەمگە تانىتقان قازاقستان حالقى اسسامبلەياسىنىڭ 30 جىلدىق مەرەكەسٸمەن قۇتتىقتايمىن. وسى جىلدار ٸشٸندە اسسامبلەيا حالقىمىزدى بٸرلٸككە, دوستىققا ٷندەيتٸن جالپىۇلتتىق كەلٸسٸمنٸڭ نەگٸزٸنە اينالدى.
ٶڭٸرٸمٸزدە سوڭعى جىلدارى ماڭىزدى جوبالار جٷزەگە اسىرىلۋدا. قۇرىلىس قارقىن الىپ, ەل يگٸلٸگٸ ٷشٸن ەلەۋمەتتٸك نىساندار بوي كٶتەرۋدە. ەلەۋمەتتٸك-ەكونوميكالىق كٶرسەتكٸشتەرٸمٸز كٷن ساناپ ٶسٸپ كەلەدٸ.
بٷگٸندە بارلىق اۋدانداعى «رۋحانييات ورتالىقتارىندا» ەلدٸڭ ىنتىماعىن نىعايتۋعا باعىتتالعان ماڭىزدى جوبالار ٸسكە اسىرىلۋدا. ورتالىقتارداعى «قوعامدىق كەلٸسٸم» كابينەتتەرٸ ەتنوس ٶكٸلدەرٸنٸڭ مەدەني-رۋحاني بٸرەگەيلٸگٸن دامىتۋعا مٷمكٸندٸك بەرەدٸ.
اسسامبلەيانىڭ مەرەيلٸ جىلىندا بارشامىز ٷشٸن قۋانىشتى جاڭالىق – قىزىلوردا قالاسىندا جاڭا «دوستىق ٷيٸ» سالىنادى. عيمارات جىل سوڭىندا ەل يگٸلٸگٸنە تابىستالادى. بۇل ايماق جۇرتشىلىعىنىڭ بٸرلٸگٸ مەن ىنتىماعىن نىعايتۋعا اتسالىسقان ەتنومەدەني بٸرلەستٸكتەرگە ارنالعان, بارلىق قاجەتتٸلٸكتەرمەن قامتاماسىز ەتٸلگەن زاماناۋي عيمارات بولادى», – دەدٸ ن. نەلٸباەۆ.
وتىرىستا وبلىستىق قوعامدىق دامۋ باسقارماسىنىڭ باسشىسى رۋسلان كايۋپوۆ, وبلىستىق قازاقستان حالقى اسسامبلەياسى تٶراعاسىنىڭ قوعامدىق نەگٸزدەگٸ ورىنباسارى ديلفۋرا بايراقتاروۆا, اسسامبلەيا جانىنداعى عىلىمي-ساراپشىلىق توپتىڭ جەتەكشٸسٸ ايتجان ورازباقوۆ, ارداگەر اسىلبەك جۇماباەۆ سٶز سٶيلەپ, ايماقتاعى جەتٸستٸكتەردٸ اتاپ ٶتتٸ.
باسقوسۋدا مەملەكەت باسشىسىنىڭ 2025 جىلعى 8 سەۋٸردەگٸ جارلىعىنا سەيكەس قازاقستان حالقى اسسامبلەياسىنىڭ 30 جىلدىعىنا ارنالعان مەرەكەلٸك مەدال تابىستالدى. ٶڭٸردٸڭ ەلەۋمەتتٸك-ەكونوميكالىق دامۋىنا ٷلەس قوسقان ازاماتتار ماراپات تٶرٸنەن كٶرٸندٸ.
ايتا كەتەيٸك, بٷگٸندە ٶڭٸرٸمٸزدە 30-دان استام ەتنوس ٶكٸلدەرٸ تۇرادى. جەرلەستەرٸمٸز سىر ٶڭٸرٸنٸڭ ەكونوميكا, مەدەنيەت, سپورت, بٸلٸم, عىلىم سالالارىنىڭ دامۋىنا اتسالىسىپ, ەلٸمٸزدٸڭ ٶركەندەۋٸنە ٷلەس قوسۋدا.
تاتۋلىق پەن كەلٸسٸمنٸڭ كيەلٸ شاڭىراعىنا اينالعان «دوستىق ٷيٸندە» 11 ەتنومەدەني بٸرلەستٸككە ارنالعان كابينەتتەر قاراستىرىلعان. قازاقستان حالقى اسسامبلەياسىنىڭ 30 جىلدىعىنا وراي كەشەندٸ ٸس-شارالار جوسپارى بەكٸتٸلگەن. جوسپارعا سەيكەس 100-دەن استام ٸس-شارا ۇيىمداستىرىلادى. ەربٸر ەتنو-مەدەني بٸرلەستٸكتٸڭ ونكٷندٸگٸ ٶتكٸزٸلٸپ, ۇلتتىق-مەدەني قۇندىلىقتار ناسيحاتتالادى.
