رەسەيدەگٸ جانارماي تاپشىلىعى اۆتوموبيل تاسىمالى سالاسىنا ەسەر ەتە باستادى. رەسەيلٸك كٶلٸك كومپانييالارى باعىتتارىن قازاقستان ارقىلى ٶتكٸزۋگە كٶشٸرٸپ جاتىر, دەپ حابارلايدى dalanews.kz.
"كوممەرسانت" باسىلىمنىڭ مەلٸمەتٸنشە, تاسىمالداۋشىلار مۇنداي شەشٸمدٸ قازاقستاندا جانارمايدىڭ جەتكٸلٸكتٸ كٶلەمدە قولجەتٸمدٸ بولۋىمەن بايلانىستى دەپ تٷسٸندٸرگەن. نارىق ٶكٸلدەرٸنٸڭ بٸرٸ وتىن ساپاسى رەسەيمەن سالىستىرعاندا تٶمەندەۋ بولعانىمەن, تاپشىلىق جوق ەكەنٸن ايتقان.
سونداي-اق, الداعى ۋاقىتتا تاسىمال قاشىقتىعى ۇلعايىپ, لوگيستيكالىق باعىتتار جانارمايعا قولجەتٸمدٸ ٶڭٸرلەرگە, ونىڭ ٸشٸندە قازاقستانعا كٶبٸرەك اۋىسۋى مٷمكٸن ەكەنٸ دە ايتىلعان. دەگەنمەن بۇل باعىتتاعى جۇمىستى كەدەندٸك باقىلاۋ رەسٸمدەرٸ قيىنداتادى.
بيىلعى بٸرٸنشٸ توقساندا قازاقستان مەن رەسەي اراسىنداعى تاۋار اينالىمى 6,4 ميلليارد اقش دوللارىنا جەتٸپ, بىلتىرعى وسى كەزەڭمەن سالىستىرعاندا 16 پايىزعا ارتقان. رەسەيدەن يمپورت كٶلەمٸ زاتتاي ەسەپتە 7,5 ميلليون تونناعا دەيٸن ٶسسە, اقشالاي كٶلەم 28,5 پايىزعا ۇلعايىپ, 4,9 ميلليارد دوللار بولعان.
ساراپشىلاردىڭ پٸكٸرٸنشە, جانارماي تاپشىلىعى جٷك تاسىمالىنىڭ قۇنىن ٶسٸرٸپ, سونىڭ سالدارىنان تاۋار قىمباتتاۋىنا ەسەر ەتۋٸ مٷمكٸن.
