Reseidegi janarmai tapshylyǵy avtomobil tasymaly salasyna áser ete bastady. Reseilik kólik kompaniialary baǵyttaryn Qazaqstan arqyly ótkizýge kóshirip jatyr, dep habarlaidy dalanews.kz.
"Kommersant" basylymnyń málimetinshe, tasymaldaýshylar mundai sheshimdi Qazaqstanda janarmaidyń jetkilikti kólemde qoljetimdi bolýymen bailanysty dep túsindirgen. Naryq ókilderiniń biri otyn sapasy Reseimen salystyrǵanda tómendeý bolǵanymen, tapshylyq joq ekenin aitqan.
Sondai-aq, aldaǵy ýaqytta tasymal qashyqtyǵy ulǵaiyp, logistikalyq baǵyttar janarmaiǵa qoljetimdi óńirlerge, onyń ishinde Qazaqstanǵa kóbirek aýysýy múmkin ekeni de aitylǵan. Degenmen bul baǵyttaǵy jumysty kedendik baqylaý rásimderi qiyndatady.
Biylǵy birinshi toqsanda Qazaqstan men Resei arasyndaǵy taýar ainalymy 6,4 milliard AQSh dollaryna jetip, byltyrǵy osy kezeńmen salystyrǵanda 16 paiyzǵa artqan. Reseiden import kólemi zattai esepte 7,5 million tonnaǵa deiin ósse, aqshalai kólem 28,5 paiyzǵa ulǵaiyp, 4,9 milliard dollar bolǵan.
Sarapshylardyń pikirinshe, janarmai tapshylyǵy júk tasymalynyń qunyn ósirip, sonyń saldarynan taýar qymbattaýyna áser etýi múmkin.
